Kudla iSpider Plant
Kuyo yonkhe iAfrika, letintfo letivelako, emacembe (ngalesinye sikhatsi timbali) tiyadliwa, tibiliswe njengesishibo, nalokunye lokunyenti. Emacembe akhona ngalesinye sikhatsi kutsiwa ayababa futsi angaphekwa elibisini, angetwe kuletinye tintfo noma ahlanganiswe naletinye tibhidvo temacembe njngemacembe etindlubu, umtfunti wasebusuku lomnyama, noma amaranth. eZambia, emantongomane lafahlatiwe (noma peanut butter) ayangetwa kufaka bunandzi.Emacembe nakhona ayagocwa entiwe emabhola bese ayomiswa elangeni bese abekwa kute kube minyaka lemibili, kepha loku kwehlisa umsoco. Uma emacembe lakomisiwe adzingeka, emanti ayangetwa ungakapheki. Kubilisa lamacembe kunganciphisa vitamin C nga 81% na vitamin A nga 95%.
Inhlanyelo ledliwako iyaphuma ngekucindzetela inhlanyelo ye spider plant. Lamafutsa aphetse volatile, lefana nemafutsa eMustard. Lamafutsa lawa lamcoka akhona nasemacembeni ngiwo lenta kutsi kube neliphunga lelimnandzi kanye nebunandzi kwaletibhidvo. Loku lokusele kungasebentiswa kudlisa tilwane. Letinhlanyelo tingadliswa tinkhukhu noma letinye tinyoni. Tinkhomo, emahhashi naletinye tilwane tasesigangeni tidla ema spider plants.
Lwati lelisukela kadzeni litsi spider plants tingasebentiswa njenge mutsi – emacembe akhona angasebentisa kulapha. Kulamanye emasiko, kudla emacembe e spider plant kuniketana emandla futsi kwente ubone kahle emehlweni futsi kumcoka ekudleni kwemuntfu lokhulelwe. Emacembe akhona angasebentiswa kulapha umkhuhlane, ijusi yakhona ingakhipha loko lokuyingoti. Emacembe akhona lafahlatiwe angagcobiswa lapho kubuhlungu khona noma lapho ushe khona. Ijusi yalamacembe kutsiwa iyasita kucedza indlebe lebuhlungu.
iSpider Plant njenge Sihlahla Lesivikelako
Njengesihlahla lesivikelako, kwavetwa kutsi kute tindvuku letitfolakalako dvutane ne spider plant uma ethanol ikhiswa ku spider plant, lesihlahla siyinkinga kutilwanyana letifana ne diamondback moth (cabbage moth) ne (Bagrada hilaris).Kukhishwa kwe spider plant kucosha iAphids ne thrips, futsi kuhlanyela ispider plant nelikhabishi kwatiwa kutsi kunciphisa diamondback moth ne thrips attacks. Futsi emabhontjisi ase French lahlanganiswe ne spider plant tihlaselwa kancane yi flower thrips. eKenya ispider palnt sihlanyelwa kulwisana netifo kanye netilwanyana.