Emagooseberries ase Cape

©William Pulles

Lesitselo lesiluhlata noma lesi orange, lesibitwa nge “appelliefie” ngeSibhunu, leligama litsetfwe kulokusa Cape hhayi ngiba lihlangene ne Cape Town leseNingizimu Afrika. Lamagungumene layimvelaphi yase Peru, lapho asakateka khona aya eColumbia kantsi futsi nakutindzawo letisele mhlabawonkhe. Sitsetjentiswe njengekudla Kanye netidzingo temitsi kusukela ngetikhatsi tamandvulo te Sigodlo se Incan.

Lamacembu akukameli kutsi aphambatiswe ne Gooseberry yeSilungu, lekulicembu lelehlukile lelite icape kantsi futsi libovu, liluhlata noma mtfubi.

Umkhicito waNgaphesheya

iColumbisa beyisolo ikhokha imakethe yangaphesheya iminyaka leminingi, kubalela ngetulu kwa 90% wakokonkhe lokuhanjisiwe. William Pulles, umnikati welipulazi lema gooseberry lelikhulu: ema Gooseberry ase Sigodzini sase Keisie, kantsi futsi nguye lonika eNingizimu Afrika, uchaza kutsi lokubita kwalomkhicito kuphansi kulamave ase South America, lekutsi lamanye emave angeke njemelula akhone kucudzelana.

Lamagungumence akhicitelwa endzaweni lencane epulazini lelise Columbia. Lababosomapulazi bakala lokubili kuya kulokusihlanu kwelihekitha linye, nekutsi nemalunga emindeni lenta lomsebenti wona, lokukhokha kungavami kulahlekelwa timali. Atsi angavunwa, lamagungumence ayatsengwa tinkampani letinkhulu letakha lamagungumence bese tiyawahambisa kuya etindzaweni letehlukene ngaphesheya.

Umkhicito waseNdzaweni

©William Pulles

Emagooseberries ase Cape etfulwa eNingizimu Afrika ngesikhatsi seminyaka ya 1700 kanyekanye netihambi tekucala.

Akhicitwa eNingizimu Afrika yonkhe. Le Western Cape nguyona iyinkhulu ngekukhicita emagooseberries ase Cape ilandzelwe yi North West. Letihlahla tikhula tibe limitha kuya etulu, Siyakhula etigodzini letinesimo lesisemkhatsini - kuya ebumkhatsini lobomile, njengoba kutfolwa eColumbia nase Pery. Ema gooseberries ase Cape alungele etindzaweni letinekufutfumala mnyaka-wonkhe lokute simo selitulu lesecele futsi lawa’ emagungumence’ ayincelencele esitfwatfweni.

Lesihlahla siyakhona kukhula emihlabatsini letinhlobonhlobo, kepha lesihlabatsi singahle sibenekudvonseka kahle Kanye nalokuphakeme kwetintfo letibolile. Abe lamagooseberries ase cape akadzingi emanti lamaningi, kunisela kuyadzingeka kwentela umkhicito lomuhle.

Sikhatsi seMkhicito

Emagooseberries ase Cape acala kukhokha sitselo emkhatsini wetinyanga letine kuya kuletisihlanu ngemuva kwekulinywa. Letihlahla tibese tiyavunwa ngemaviki kuze kube tinyanga letisiphohlongo ngemuva kwaloko, kukhokha kucala kungavumi futsi lesitjalo’ kumele kutsi kufakwe lesinye esikhundleni saso lesinetjalo letincane letinsha.

Kuvuna kwentiwa ngetandla njengoba lamagungumence kumele akhiwe nasekavutfwe kahle. Lamagungumence ema kuvutfwa, kusuka ekunongeni kwao, nasekakhiwe. Emagungumence lakhiwe angakavutfwa ayashintja abengulagold, kepha angeke anambitse kahle njengemagungumene lakhiwe ngesikhatsi lesingiso sekuvutfwa.

Tinhlobo

©William Pulles

Yinhlobo yinye kuphela lekhicitwako, lebitwa ngekutsi yi Physalis peruviana. Kuboleka tintfo letifanako ta ‘William Pulles’, emaCape Gooseberries afana nebantfwana labangasibo bakho ngekwentalo bemndeni wemagungumence, netintfo letibaliwe tekukhulisa lokushalokutfutfukisiwe. Lining lebakhiciti liphindze lihlanyele kusuka etitjalweni letincane njengoba loko ngukona kushiphile kunekutsi kuncutfwe.

William uhlanganisa tindumbu noma tinhlavu letisuka kutitjalo takhe letikahle, lebese uyahlephula nalabanye labasakatako. Betindzawo tetitjalo bakhulisa letinhlavu tibe titjalo letincane kwentela lababakhiciti.

Kutsengiswa

Lokufunwa kwema gooseberries bekusolo kukhula ngaphesheya kwemave ngenca yekukhula kwemsebenti wawo ngetintfo temphilo. William Pulles’ washo kutsi Nestle sowutsenge yinye inkampani yaletinkhulu temagooseberries eColumbia ngoba bevile kutsi emagooseberries njengentfo lelandzelako lenkhulu kumakethe yekudla lokukhulu.

Onkhe ema gooseberries ase cape atsengiswa endzaweni, naletinye letiningi titselo letitsatfwa ngekutsi tinsha emakethe. Lemakethe, nomakunjalo, ibalekile ngoba emagungumence adulile. Kulamagungumence labekelwe imakethe leyakhiwako, lamaningi asetjentiselwa kwacha bojamu noma aphekwe ahlanganiswe asetjentiswe kuyoghurt yesitselo.

Kusetjentiswa

Emagooseberries ase cape, ngaphandle kwalamanye emagungumence, anesigaba lesiphakeme semafutsa, kuwenta atfwale emafutsa lasamavithamini lafana na A, D, E na K. Ngaphandle kwaloku, lamagungumence avutsiwe ngemamineral, emaprotein, ifibre, Kanye ne antioxidant.

Ema gooseberries ase Cape angatsandvwa amasha, asetjentiswe nakubhakwa tintfo, omiswe abe yi ayisi noma aphekwe abesidlo samuva kwemadina, emajusi, Kanye najamu. Lamagungumcene noma emacembe atsatfwa ngekutsi anetintfo letingashisi, enta kugaya kubemelula, atfutfukisa kwehla kwemafutsa emtimbeni aphindze asite kugadza boshukela kanjalo nekuphakama kweshukela.

Inchazelo Yemutsi

Lwati lwalemfundvo kanye netidzingo telwati kuphela ngekutsi kungahle kungatsatfwa njengekucebisa ngekwemutsi. Lolwati alukahlelwa kutsi lumelele kucebisa ngekwemutsi noma kwelapha lokunikwa tati letibuke temphilo.

Translated by Phindile Malotana