Iguzu lase Kapa, elaziwa ngokuba yi “appelliefie” ngolwimi lwesibhulu, intsusa yeligama ikwimbonakala yeqokobhe lase Kapa, elihlobo leguzu alinanto yokwenza nesixeko sase Kapa, esifumaneka kweli lo Mzantsi Afrika. Amaqunube awaziwa ngokuba zi “golden berry” intsusa yawo ise Peru, apho yathi yanonela eColumbia ethubeni yafumaneka kwilizwe lonke. Lisetyenziswa nje ngokutya kunye namayeza kwakude kudala ngexesha le lomkhosi we ‘incan’.
Ezi ntlobo akufunekanga zibhidaniswe ne guzu eliyi “English Gooseberry”, lona ke luhlobo oluhlukileyo elingena sigqumathelo kwaye imibala obomvu, oluhlaza, okanye mthubi. I-Guzu lase Kapa, lona ke akusililo iguzu kwaphela, kodwa liyingxenye yosapho oluthanda umthunzi wasebusuku usapho lwee tomato, iipepa, kunye namazambane nazo ngamalungu olusapho.
Imveliso Yamazwe Aphesheya
Ilizwe lase Columbia lihamba phambili kwintengiso yamazwe angaphandle iminyaka emininzi, kwaye libanga malunga nama 99% wentengiso zangaphandle zonke. Umnumzana William Pulles, ongumnini weyona fama inkulu ye Guzu lase Kapa: iKeisie Valley Gooseberries, kwaye engumthengisi kwelo Mzantsi Afrika, uyacacisa okokuba amaxabiso wemveliso asezantsi kumazwe wase South America, kwaye amanye amazwe awakwazi noku khuphisana noko.
Amaqunube aveliswa kwifama ezincinci zase Columbia. Ezi fama ngesiqhelo zilinganisa iihektare ezimbini ukuya kwezintlanu ifama nganye, kwaye ngama lungu osapho enza umsebenzi omninzi kwezifama, oku kwenza zingabikho iindleko zabasebenzi. Xa sele kuvuniwe, amaqunube athengwa ziinkampani ezinkulu ezithi zenze iimveliso ngamaqunube ze ziwathengise kwindawo ezohlukileyo kumazwe onke jikelele.
Imveliso yase Mzantsi Afrika
I-Guzu lase Kapa, ziziqhamo ezathi zaziswa kwelo Mzantsi Afrika ngeminyaka yama 1770s kunye nabafuduki bokuqala.
Liveliswa ku Mzantsi Afrika uphela. Iphondo lase Ntshona Koloni lelona livelisa iGuzu lase Kapa kakhulu kulandele iphondo lase North West. Amahlahla akhula abebubude be mitha (metre) ukuya phezulu, likhula kakuhle kakhulu kwimi mandla enqatyelwe yimvula, njengoko lifumaneka eColumbia nase Peru. I-Guzu lase Kapa lilungele imimandla enobushushu unyaka wonke kwaye kungabikho simo sezulu siqatseleyo ngobushushu kwaye ‘lamaqunube’ awadibani nomonakalo owenziwa likhephu.
Esisityalo sifukufuku sikhula kakuhle kwintlobo zomhlaba ezihluphekileyo, kodwa ke umhlaba kufuneka ukwazi ukuhluza kwaye ungabina khemikhali. Nangona iGuzu lase Kapa lingadingi manzi maninzi, kufuneka kunkcenkceshelwe ukuze imveliso ikhule kakuhle.
Ixesha Lemveliso
I-Guzu lase Kapa liqala ukuvelisa iziqhamo phakathi kwenyanga ezine ukuya kwezintlanu emveni kokuba zityaliwe. Amahlahla avunwa rhoqo ngeveki ukuyokuma kwinyanga ezilishumi elinesibhozo ze emveni koko, iqale ukwehla imveliso kwaye izityalo kufuneka sitshintshwe kufakwa izithole ezintsha.
Kuvunwa ngesandla kuba amaqunube kufuneka akhiwe xasele evuthwe kakhulu. Amaqunube ayayeka ukuvuthwa, ngokwencasa emveni kokuba sele ekhiwe. Amaqunube angekavuthwa asele evuniwe angajika abengumbala wegolide, kodwa incasa ayizukuba mnandi njengamanye amaqunube avunwe ngexesha elililo lokuvuthwa.
Iintlobo nge Ntlobo
Kuveliswa uhlobo elinye, elaziwa ngokuba yi Physalis Peruviana. Xa kubolekwa kwingcazelo ka William Pulles, ama Guzu ase Kapa (Cape Gooseberries) afana nomntwana ozalana nosapho lwamaqunube, kwaye anqabile amathuba wokuba kubekho izilimo ezintsha zawo. Abavelisi abaninzi batyala ngezithole kuba zona zinexabiso eliphantsi kunezo sele zikhulisiwe zasikwa kwezinye izityalo.
Umnumzana William udibanisa imbewu esuka kwizityalo zakhe ezona zilungileyo, ze abelane nabanye abavelisi, indawo ezikhethekileyo ezikhathalela izityalo zikhulisa imbewu ibezizithole ukunceda abavelisi.
Amanani Ntengiso
Isidingo esingamandla se Guzu lase Kapa Siyakhula nakumazwe jikelele ngenxa yokuba uluntu lusazi ngoncedo lwalo lwempilo. U-William Pulles uyachaza okokuba inkampani yakwa Nestle isandula kuthenga enye yenkampani ezinkulu ezithengisa ama guzu eColumbia kuba amaguzu ajongwe ngamehlo abomvu kwintengiso yezidlo zempilo ezaziwa ngokuba zi “superfoods” ngesingesi.
Onke amaguzu weli lo Mzantsi Afrika athengiswa kweli, uninzi lweziqhamo luthengiswa kwintengiso yeziqhamo. Intengiso leyo, inqongophele kuba amaqunube anexabiso eliphezulu. Kumaqunube abekelwe iimveliso uninzi lusetyenziswa ukwenza ijam okanye aphekwe axutyelwe imixube yeziqhamo efakwa kwi yoghathi.
Imisebenzi
I-Guzu lase Kapa, alifani namanye amaqunube, linamazinga aphezulu wamafutha, oku kwenza ibeziziqhamo ezinesondlo samafutha asempilweni ngokwezakha mzimba ezifana no vitamin A, D, E no K. Ngaphandle koku, amaqunube atyebile kwi minerali, protein, fibre, kunye nezikhuseli zomzimba kwizifo.
I-Guzu lase Kapa lingatyiwa lifreshi, lisetyenziswe ekubhakeni, kwezi khenkcezisiwe okanye zilungiselelwe ukwenza izidlo eziswiti, isiselo, yoghathi, kunye ne jem. Amaqunube kunye namagqabi kukholeleka okokuba ayanceda ekudumbeni okune ntlungu komzimba, aincedisa ukucola ukutya esiswini, ainceda ukwehlisa amanqatha emzimbeni, kwaye anceda ukulawula isifo se swekile kunye nesifo so xinzelelo lwegazi.
Isufungo Ngamayeza
Ezinkcukacha zezokufundisa nokwazisa kuphela kwaye azifanelanga ukuthathwa njenge ngcebiso kaGqirha. Olu lwazi alunazo injongo zokuthatha indawo ye ngcebiso namayeza ka Gqirha okanye unyango olunikezwa ngabezempilo ngoku semthethweni.
Translated by Zikhona Plaatjie