Hemp (Cannabis sativa) ke mohuta wa cannabis wa go ba le maemo a fase a euphoric THC cannabinoid gomme ga e tagišwe go swana le motswala wa yona, psychoactive ‘lebake’ (marijuana).
Ditlhale tše telele mo karolong ya ka ntle ya sebjalo sa hemp di šomišwa go diaparo tša go tia go swana le dipokathe, dieta, dithapo le sails. Go bolela nnete, didirišwa tšeo di dirilwego ka hemp di hweditšwe go maswika a go tšwa 8000 B.C. gomme mohlotletša Christopher Columbus o dirišitšwe dithapo tša hemp mo-dikepeng tša gagwe go sepediša dikepe.
Hemp vs Khothone
Hemp e kgona go tloša tšhomišo ya khothone ka go dira diaparo. Mo intastering ya leokodi, go šomišwa 50% ya dibolayasenyi mo lefaseng, hemp ga e nyake dibolayasenyi go lengwa. Godimo ga moo, ditlhale tša hemp di tiile, di dula sebaka se telele ebile di kgona go gamolla go feta leokodi. Hemp e kgona go lwantšha mildew, ebile e na le insulative properties tše kaone gape ga e senyege ka pela go swana le leokodi.
Mokhwa Wo Hemp e Ka Dirwago Mašela
Hemp yeo e bjalelwago tlhale mo tšweletšong ya mašela e swanetše go bunwa ka pela mo nakong ya go khukhuša pele ga ge peu e tšweletšwa. Se se ka ba matšatši a 70 - 90 morago ga pšalo ya peu. Puno ya hemp e dirwa ka mokgwa wa ka mehla wa motšhene wa puno.
Kgato ya mathomo ya go sepediša hemp ke go ena. Go ena ke ge dikutu di tlogelwa go inele ka meetseng. Go ena ke ge difankase le dipakteria di tlhahlamollo pectins e swerego ditlhale tša hemp mmogo. Go ena go ka dirwa ka ditsela tše tharo. Dikutu tša Hemp di ka tlogelwa mo tšhemong/lefapheng magareng ga dibeke tše nne go tše tshela di le ka gare ga meetse matšatši a 10 goba di ka tšhetšwa ka enzymes. Ge tshepedišo ya go ena e phethilwe, dikutu di tla be di le tše šweu ka ditlhale tše letelele tšeo di kgonago go tšwa go dithokgwa tša motheo.
Ka kgato ye e latelago, dikutu tša hemp di a kgoboketšwa e be di romelwa go motšheneng wa go tloša dingata. Mo tshepedišong ye, dithito di a robiwa gomme dithokgwa tša motheo di aroganywa go ditlale tše letelele tša hemp. Ditlhale tše letelele di romelwa go rolara ge di ditlhale di le boleta tša pele di segwa go tšwa go 3 m, go fa mohlala 650 mm. Dikarolo tše nnyane di a beakanywa e be di hlahlobwa, gomee seripa se kopana, se kobegilego goba dithokgwa di a tlošwa. Ditlhale tše nnyane tše bitšwago ‘tow’ le ditlhale tše telele di bitšwa ‘line fibre’
Ditlhale tša hemp di bewa ka go se kgaotše “sliver” go dikologa, di ka ba di kolobile goba di omile. Go dikologa bja go oma bo na le poelo ye kaone ka ge go dira gore pectin e be boleta, gome e be e dumelela gore ditlale di aroganywe bokaone le go tšweletša hemp ye botse.
Mehola Ya Tlhale Ya Hemp
Hemp ke e kgolo go dibjalo tša ditlhale tše dingwe (go swana le leokodi le flakese go tseba), go ya ka tshepedišo ya go bjala le tšhomiša. Mehola ya go bjala hemp ke gore ga e nyake meetse a mantši go gola go swana le leokodi. Hemp e nyaka dibolayasenyi tše nnyane fela k age e kgona go lwantšha disenyi le malwetši mola poelo ya tlhale ya hemp (godimo ga hektare) e godimo go feta ya flakese le leokodi.
Go ya ka karolo ya boleng; hemp e tile go feta ditlhale tše ntši, ke insulator ye botse, e kgona go hema gabotse, e kgona go lwantšha mouta le mildew e kgona gape go lwantšha go kgaoga.
Boleta bja hemp bo oketšaga ge o apara le mmala wa gona ga o galoge ka lebelo go swana le leokodi.
Go ya ka dipeelano tša hemp bjalo ka mašela a diphahlo tša gae, e na le thibelo ye kgolo ya UV (E loketše Diširo) ebile ga e ngangege, ditšweletšwa tša upholstered di swara dibopego tša yona.
Translated by Lebogang Sewela