Roobernet

© Glenneis Kriel

Ihlathululo

I-Roobernet mhlobo wamaderibe abovu athuthukiswa ngu-Profesa Chris Orffer eSewula Afrika ngomnyaka ka-1960s ngokuwavanga ne-Cabernet Sauvignon kanye ne-Alicante Bouschet. Ngokufanako ne-Pontac, Roobernet ingenye yomhlobo we-teinturer – amanzanawo kanye nelingaphakathi linombala obovu esikhundleni sokubangabi nombala njengeminye imihlobo ebovu.

Indabuko/Imvelaphi

Adabuka eSewula Afrika

Amanye Amagamawo

Akekho

Umkhiqizo eSewula Afrika

Esewula Afrika, inani elingaba ma-270 ha we-Roobernet atjalwe eendaweni ezihlukahlukeneko ngerekhodi elidala elahlonywa ngomnyaka ka-1996 e-Stellenbosch.

Umkhiqizo Weemphande

Inengi leentjalo ze-Roobernet zitholakala e-Breedekloof (56ha), Robertson (52ha), Swartland (42ha), Paarl (43ha) kanye ne-Stellenbosch (32ha).

Ukukhula Kwawo

Kumhlobo okhula ngamandla uphakame utjhinge phezulu bewukhiqize inani elibalelwa ukusuka ku-8 – 14 ton/ha. Ihlelo lokuwusekela lidlala indima ekukhuleni ngamandla kwawo.

Ukuvuthwa

I-Roobernet mhlobo ovuthwa pheze ukuyela ekupheleni kwesikhathi sonyaka, ngokufana ne- Cabernet Franc. Avamise ukuvunwa nakasele amumethe i-21—23° Balling ne-esede ebanzi engaba yi-6-7 g/l.

Amakari

Anamakari ahlaza okumnyama, ayarhanyazela begodu akhula ngesilinganiso esiphakthi, arondo kanye neencenye ezihlanu ezizimpenda.

Amamomori

I-Roobernet iimvini le ivamise ukukhiqiza iimpakana ezihlukeneko ezincani, zamamomori arondo nanombala onzima. Amakelwawo aqinile begodu abonakala anemida nasele avuthiweko. Anejuzi nofana amanzana abovu njenge gazi.

Iintjhabalalisi kanye Namalwelwe

Amaderibe la akghona ukujamelana nokubola ekubizwa nge-botrytis kodwana ahlukunyezwa khulu yi-oidium, downy mildew, dead-arm (streepvlek) kannye ne-dying arm (tandpyn).

Athulwa ekorweni yeSewula Afrika njengomhlobo ohlanziweko emulwaneni ngebanga lekambiso ebizwa nge-spontaneous somatic embryogenesis ngemva kwekambiso eqinileko yokususa umulwana. Akghona ukujamelana nomoya kodwana akazwani nesomiso.

Umsebenzawo

Avame ukwenziwa abeyiwayini engakavangwa, kodwana i-Roobernet ililunga eliphuma phambili emivangweni ngebanga lombalawo. Akhe asetjenziswa ngomnyaka ka-2001 e-Fleur du Cap kanye ne-Pinotage ukukhiqiza umvango weSewula Afrika ohlukileko kanye ne-Cape Ruby port style Roobernet eyenziwa ngu-Jacques Smit. Abalwe hlangana nalawo ehlihla ukuthintana namakelo ngesikhathi sokuwabibha nofana ukujiya.

Inambitho

Umhlobo lo utshwaywe njengokhombise amatshwayo angakajayeleki (wobubovu) bamatshwayo wotjani kodwana akhombisa namatshwayo wamamomori kanye namantongomana.

Ngebanga lombalawo esele uthathelwa phezulu obovu ukusuka ejuzini ebovu khulu, sele kuthiwa mhlobo ongakghona ukukhiqiza amawayini wombala ngaphasi kobujamo obuphole ngokuphakathi – ukuya kilezo zezinga eliphezulu lehlabathi. Ngaphasi kobujamobu, amawayini akhombisa amatshwayo we-Cabernet Sauvignon kanye nenambitho lotjani namamomori.

Translated by Johannes Nkosinathi