Roobernet

© Glenneis Kriel

Tlhalošo

Roobernet ke morara o mohubedu, o tšweletše mo Afrika Borwa ke Prof Chris Orffer ka 1960, ka go hlakanya Cabernet Sauvignon le Alicante Bouschet. Go swana le Pontac, Roobernet ke mohuta wa teinturer – nama le todi ke tše hubedu sebakeng sa go seka bjalo ka mehuta e mengwe ye hubedu.

Tlholego

Afrika Borwa

Maina a Mangwe

Ga a gona

Tšweletšo mo Afrika Borwa

Mo Afrika Borwa, dibjalo tše dingwe tša Roobernet tša go lekana 270 ha di bjetšwe dileteng tše dingwe tša go fapana. Go na le rekoto ya kgale ya dibjalo tše hlomilwego kua Stellenbosch ka 1996.

Dilete tša Tšweletšo

Dibjalo tše ntši tša Roobernet di hwetšagala mafelong a go swana le Breedekloof (56ha), Robertson (52ha), Swartland (42ha), Paarl (43ha) le Stellenbosch (32ha).

Go Gola

E gola thwii le ka maatla e bile e tšweletša puno ya go lekana le 8 – 14 ton/ha. Legora le loketše bo gola ba yona.

Go Butšwa

Roobernet ke mohuta wa go butšwa morago ga nako goba magareng a sehla, go swana le Cabernet Franc. Palomoka ya go topa dibjalo tše butšwitšego ke 21—23° Balling ka tekanyo ya esiti ya go lekana le 6-7 g/l.

Matlakala

Matlakala ke a matala, a phadima, a na le bogolo bja magareng, sebopego sa nkgokolo le mathoko a mahlano a go teba.

Dithetlwa

Dibjalo tša Roobernet di tliša puno ya dingata tše kgolo, tše tšekatšekago, dithetlwa tše nnyane, tša sebopego sa nkgokolo le mmala o moso. Matlala a tile e bile a na le ponagalo ya mašošo ge di butšitše. Todi ke ye hubedu go swana le madi.

Dikhukhwane le Malwetši

Morara o kgona go lwantšha botrytis rot gabotse e fela o bokoa go oidium, downy mildew, dead-arm (streepvlek) le dying arm (tandpyn). Morara o ile wa tsebišwa mo intasteri ya SA bjalo ka ‘virus-purified’ ke lebaka la (somatic embryogenesis) – (ge dibjalo ditšwa seleng e tee) morago ga bofelo bja virase e sa fapogego. Morara o kgona go kgotlelela moya e fela o na le go ba bokoa go komelelo.

Šomišo

E kgona go dirwa bjalo ka mohuta o tee wa beine e hubedu, e fela Roobernet ke molekane o botse wa motswako ka lebaka la mmala wa yona o maatla. E be e šomišwa ka 2001 kua Fleur du Cap le Pinotage go tšweletša motswako wa moswananoši wa Afrika Borwa le Cape Ruby port style Roobernet e dirilego ke Jacques Smit. E ile ya eletšwa gore e fokotše go kgoma bja letlalo ka nako ya fermentation.

Tatso/Mohlodi

Roobernet e tsebega ka go ba le semelo sa go se tlwaelege sa bjang, e fela e ntšha gape dintlha tša thetlwa le ditloo. Ka lebaka la gore e na le mmala wa go tiiša wa go tšwa mo todi e hubedu, ke mohuta wa tshwarelo, o kgona go tšweletša dibeine tša mebala e tebilego gare ga boemo bja boso bjo fodilego, godimo ga mobu bja magareng go bja godimo. Gare ga maemo a, dibeine di bontšha dintlha tša Cabernet Sauvignon ka dimelo tša bjang le thetlwa.

Translated by Lebogang Sewela