Iintjalo Zehlebo ZeSewula Afrika

© Louise Brodie

Iintjalo zehlobo eziqakatheke khulu siphila, iimbonjisi, ujukanelanga (sunflower seed), amantongomani kunye namabele.

Isiphila

©Louise Brodie

Isiphila ngesinye seentjalo eziqakatheke khulu zehlobo ezikhiqizwa eSewula Afrika, ngengombana isiphila esimhlophe siyigcenye yokudla esikudla malanga woke begodu isiphila esitjheli simthombo onikela amandla khulu nakuza ekudleni okudliwako okusetjenziswa njengokudla kweenkukhu nomkhiqizo wederi.

Ngaphasi kwamazinga womtjhiso ajayelekileko, isiphila esinengi khulu siyakhiqizwa ukuhlangabezana neendingo zabathengi benarha begodu esiseleko sithengiselwe ezinye iinarha zeAfrika, ezifana neZimbabwe, Zambia, Mozambique ne-Angola, kunye nezinye iinarha, ezifana neJapan, Iran, Kenya kunye ne-Venezuela.

Isiphila esinengi seSewula Afrika sikhiqizwa eendaweni ezina izulu lehlobo, esikhathini esinengi i-Free State ngiyo ekhiqizo isiphila esinengi esingalingana nesiquntu somthamo woke okhiqiziweko, ngokuya ngamazinga womtjhiso nangobujamo bamamakethe, kulandele isifunda se-North West neseMpumalanga. Isifunda se-Gauteng nesaKwaZulu Natal nazo zikhiqiza umthamo omnengana.

Iimbontjisi

©Courtesy of National Pork Board and the Pork Checkoff. Des Moines, IA USA

ISewula Afrika ithenga umthamo omunengi weembontjisi kwezinye iinarha qobe nyaka ukuhlangabeza iindingo ezikhulako zokudla okuphiwa iinlwane, okungezelelwe kukhula kwesidingo sokudla okunamaphrotheyini aphezulu kusekela okudingwa babantu abanemadlana.

Umkhiqizo ukhule nge-avarage elingana ne 15% ne 20% qobe nyaka hlangana nonyaka ka 2009 no 2019 okulethwe kutjalwa kwemali eembontjisini zenarha, begodu kulindeleke bona kuragele phambili ngokukhula nge 2.9% qobe nyaka ukufinyelela amakhulu ayi-962 wamahekthara ngonyaka ka2027 ngokuya nge-Bureau for Food and Agriculture Policy.

Umthamo umncani ukhiqizwa enarheni mazombe, iinqubuthu zivela e-Free State neMpumalanga eendaweni ezina izulu lehlobo.

Ujikanelanga

©Louise Brodie

Abojikanelanga eSewula Afrika bamthombo wamafutha adliwako aziwa khulu, njengombana i-oil cake isetjenziswa njengomthombo wamaphrotheyini kuretjhiyo yefuyo. I-Grain SA iyihlathulula njengesithelelo esihle khulu bona singatjhintjhatjhintjha indawo lapho esitjalwa khona, nekghono lokukhula ehlabathini enemikhawulo beyiphile nalokha nakuthoma umbethe.

Ithatha isikhathi esincani somnyaka ukukhula ukudlula isiphila, ngalokho ingatjalwa nanoma sekunesikhatjhana isikhathi zokutjala sithomile nakunesidingo ngeenkhathi lapho amazinga womtjhiso abogaboga. Itjalwa ngesikhatho sokuna kwezulu lehlobo, umthamo omunengi ukhiqizwa e-Free State, kulandele i-North West kunye neLimpopo. Akusikananengi uthole abojikanelanga bakhiqizwa esifundeni se-Western Cape naKwaZulu-Natal.

Amantongomani

ISewula Afrika ithengisela ezinye iinarha amantongomani amanengi, kodwana nomakunjalo nayo ithenga amantongomani kwezinye iinarha alingana nalayo ebawathengisileko. Amafutha enziwe ngokusebenzisa amantongomani angasetjenziselwa ukupheka, ukwenza i-peanut butter nofana imikhiqizo yokuhlwengisa, bese kuthi i-cake oil isetjenziswe njengokudla kweenlwane, iimvundisi, ama-antibiotics nofana ukwenza isinamathelisi (glue).

Amantongomani amthombo oqakathekileko wamaphrotheyini KwaZulu-Natal neMpumalanga. Akhiqizwa khulu kuma-western region eendaweni lapho ekuna izulu lehlobo, umkhiqizo omunengi ukhiqizwa esifundeni se-Free State nese-North West.

Amakota angaphezulu kwamathathu womkhiqizo akhiqizwa eendaweni ezomileko ngonobangela weendleki eziphezulu zokufaka imitjhini yeemfufuzeli. Imithamo emincani ikhiqizwa e-Northern Cape kunye neLimpopo.

Amabele

©Grain SA

Amazinga womtjhiso aphezulu sekavuselele umdlandla wokukhiqiza amabele, ngonobangela wokuqina kwesitjalwesi, sikghona ukubekezelela isomiso begodu sidinga namanzi amancani lokha nawusiqathanisa nesiphila. Amabele anomsebenzi omunengi njengombana asetjenziswa njengokudla nofana ukwenza iinselo, anenzuzo yezakhamzimba (nutrients) ezifana nalezo zeenthoro ezinye.

Amabele amanengi eSewula Afrika akhiqizwa ngesikhathi sokuna kwezulu lebusika, isifunda seLimpopo sikhiqiza isiqunto sawo woke amabele akhiqizwako enarhweni. Imithamo eminengi ikhiqizwa e-North West, Free State neMpumalanga.

Iimbontjisi

ISewula Afrika ayikhiqizi iimbontjisi ezomileko ezanela iindingo zabathengi. Ngalokho iimbontjisi ezinengi zithengwa eenarheni ezinye khulukhulu e-China qobe nyaka. Ama-legumes lawa akasimthombo omuhle wamaphrotheyini ne-fibre kwaphela kodwana athathw a njengesitjhebo esingadliwa esikhundleni senyama, begodu kusitjalo esihle esingatjhintjhatjhintjha indawo etjalwa kiyo okurhelebha abalimi ukwenza ncono ipilo yehlabathi nemikhiqizo eyahlukahlukeneko kunye neengozi zamamakethe.

Iimbontjisi zikhiqizwa enarheni mazombe, ezinengi zivela e-Free State, North West, Limpopo neMpumalanga eendaweni ezina izulu lehlobo.

Translated by Busisiwe Prudance Skhosana