Igama ejayeleke ngalo: i-Eyiye / i-Anyanisi (Onion)
Ii-eyiye begade zisetjenziselwa ukudla isikhathi esingaba masentjhuri begodu kukholelwa bonyana zidabuka eemphandeni ezinganazulu elinengi e-Western Asia.
Ihlathululo Ngesitjalwesi
Ii-eyiye zimhobo weentjalo ezinganazo iziqu eziziingodo (herbaceous biennial) emndeninazo (Liliaceae) begodu zitjalelwa ukudliwa kwesikhwende sazo nofana ingcenye engaphasi ehlabathini ebumbeke njenge lampa lomkhanyo. Isiqu sesitjalwesi silironjwana elipataleleko esithomeni sayo begodu amakarayo abumbeke njenge tjhubhu akha ingcenye ebonakala njenge siqu lapho iingcenye zayo eembili ezimbesileko zilengelela khona. Amakari la ayajama nofana alale phasi begodu kuvame ukuba namakari aphakathi kamathathu ukuya kabunane esitjalweni ngasinye.Umsebenzayo
Ii-eyiye zitjalelwa ukusetjenziswa kwesikhwende sazo. Ii-eyiye esele zivuthiweko nezingakavuthwa zidliwa zihlaza nofana ziphekwe begodu ziziinthako zokunandisa ekudleni. Zivamise ukusikelelwa bese zivangwa ekwenzeni isobho begodu kokunye ziyonyiswa ukwenzela ilarha ematsikana yee-eyiye. Kesinye isikhathi iintjalwezi zisetjenziselwa ukulwisana neenunwana ezivame ukusahlela eminye imirorho etjaliweko.Iindingo Zomhlobo Wehlabathi kanye Nokulungiselelwa
Ii-eyiye zimila kuhle ehlabathini eyisanda ukuya kelibumba kanye nehlabathini eyome kuhle. Zizwana nobujamo obukhambelana ne-asede obuneendingo ezihle ze-pH eziphakathi kezi-5.5 kanye ne-6.5. Ukutjhingela kwehlabathi elungiselelweko kufuze kufuze kube ma-600mm.Itlayimeti
Ii-eyiye zikghona ukujamelana nombethe. Zidinga ubujamo obupholileko ngesikhathi sokumila kwazo kanye nobujamo obutjhisako nobomilekp nasele zizokuvuthwa ekuthomeni kwehlobo. Ubujamo bezulu obuhle bokumila kwayo buba yi-12°C ukuya ema-24°C kanye nojamo bezulu ngenyanga obungaba yi-7°C kanye ne-29°C ubujamo obuphezulu benza bonyana isikhwende sikhule msinyana begodu obuphasi benza bonyana bonyana itlhurhe nofana ikhuphe amathuthumbo. Ukuna kwezulu ngokukhamba kwesithwalela kanye nangesikhathi sethwasa hlobo kwenza kwehlisa ikhwalithi bekugcine ikhwalithi ethileko.Ubude Belanga
Ii-eyiye azizwani neenkhathi ezande ngomkhanyo. Ukubumbeka kwesikhwende sazo kulawulwa khhulu bubude belanga begodu zithoma kwaphela lokha isikhathi somkhanyo wangamalanga seqa ubuncani beendingo ezithileko. Ii-eyiye zamalanga amafitjhana zineendingo ezifitjhana ngokulingeneko zobude belanga begodu kuphakanyiswa bonyana kutjalwe kwaphela umhlobo weentjalo zomhlobo wamalanga afitjhani.Imihlobaza
(Short Day) Granex 2000, Hojem, Pyramid, Texas Grano, 502 PRR, Early CopperTranslated by Busisiwe Skhosana