Ihlathululo
I-Gewürztraminer miphumela yokutjhuguluka kwamaderibe wewayini ye-Roter Traminer emile enarheni ye-German isikhathi esimasentjhuri adlulileko. Amatjhuguluko la we-Gewürtztraminer’ akhethwa ekubena namatlhurhelo wamathuthumbo kanye nesithako somnuko we-bouquet begudu ahlangana nomhlobo wamaderibe aqakatheke khulu e-Alsace, France. I-Gewürtz’ ihlathulula isithako nofana isipayisi begodu isuselwa enambithweni lomnuko omnandi wamawayini.Indabuko/Imvelaphi
Adabuka enarheni ye-GermanyAmanye Amagamawo
I-Gewürztraminer ibuye yaziwe nangokuthi yi-Roter Traminer kanye ne-Traminer enarheni ye-(Germany), Gentil Rose Aromatique (France) kanye ne-Clevner.Umkhiqizo weSewula Afrika
Angeniswa eSewula Afrika ngomnyaka ka-1964, inani elibalelwa ema-106ha we-Gewürtztraminer atjalwe ngobunengi emasimini atholakala endaweni ye-Stellenbosch (42ha) kanye ne-Robertson (36ha. Amabhlogwana wehlabathi amadala lapho kutjalwe khona iimvini asakhiqiza begodu atjalwa ngo-1981 e-Zevenwacht. Kumhlobo wamaderibe ongatjalwa khulu; ngo-2016 kwahlonywa i-1 ha yomhlobo lo kwaphela.Ukukhula Kwawo
Umilela ebinzimeni khulu umhlobo lo, i-Gewürtztraminer inomkhiqizo ophasi khulu ongabalelwa ukusuka ku-(10 – 12t/ha) ngokuthi abe nomuthi okhula utjhinge phezulu nofana ujama rhwe kanye namakari ambese iimpakana zamaderibe avimbela ilanga elaneleko begodu kutlhogeka ukukhanyela kwamakari ukwenzela ukufinyelela kwelanga elaneleko ukuze avuthwe.Ukuvuthwa Kwawo
I-Gewürztraminer mhlobo wamaderibe avuthwa kusesenesikhathi, avunwa evekeni yokuthoma kaMhlolanja.Amakari
Amakari wama-Gewürztraminer mancani ukuya karondo, pheze iincenye zawo zoke zesiphetho azinazo iimpenda begodu anama-bubbles encenyenawo ephakathi.Amamomori
Isimilwesi sineempakana zamamomori abutheleleneko amancani begodu arondo, anamakelo aqinileko kanye nadege. Amamomori la anombala obovu okufipheleko lokha nakavuthiweko.Iintjhabalalisi kanye Namalwelwe
Ahlukunyezwa khulu kukonakala ekubizwa nge-downy mildew kanye ne-oidium begodu avame ukoniwa ziinyoni kanye nombethe ngebanga lokuvuthwa msinya khulu kanye nangemva kokumila amakari wokuthoma ngemva kwebusika.Umsebenzawo
I-Gewürztraminer ikhiqiza amawayini amhlophe wephungana elimnandi kanengi ngendlela yesintu esiquntu senambitho elimnandi ukuya kelimnandi khulu, kodwana wanda khulu njenge wayini eyomileko.Inambitho
Umhlobo lo i-Gewürztraminer unamatshwayo amanengi we-rose petal,, kanengi uba nomnuko omnandi we-ychee aroma. Kanengi avame ukuba ne-esede ephasi, evangekileko, iwayini le ikhombisa ukuhluka kwamaphunga amnandi aphambeneko, ngokuthi inambitho elinye lihlathululwe njengamakuke weliju, i-Turkish Delight nofana ijinja.
Lokha akhiqizelwe eendaweni zeligu ezipholileko, amawayini avame ukukhombisa ukunotha kwenambitho le-Muscat kanye nesipayisi, kuthi amawayini wamaderibe avuthwe ngokudluleleko abebukhali kanye ne-phenolic, evela njengamapenabhula.
Translated by Johannes Nkosinathi