Gewurtztraminer

© Altydgedacht Vineyards

Tlhalošo

Gewürztraminer ke phetego ya beine ya Roter Traminer ye godilego mo Germany mengwagakgolo e mentši. Phetego ye, ‘Gewürtztraminer’ e ile ya kgethwa ka lebaka la gore e na le dingata tša senkgišabose sa matšoba le spicy gomme ke ona mohuta wa morara o bohlokwa kua Alsace, France. ‘Gewürtz’ e ra gore spice e bile e bolela ka ga monkgo wa mohlodi wa dibeine.

Tlholego

Germany

Maina a Mangwe

Gewürztraminer e tsebega gape e le Roter Traminer le Traminer (Germany), Gentil Rose Aromatique (France) le Clevner.

Tšweletšo mo Afrika Borwa

E rekilwe ntle, ya tlišwa mo Afrika Borwa ka 1964, palomoka ya 106ha ya Gewürtztraminer e bjetšwe ka dirapa tša merara tše ntši, e hwetšagala kua Stellenbosch (42ha) le mafelo a Robertson (36ha) . Sekwere sa mobu sa kgale, se se bjetšego ka dibjalo, se sa le tšweletšong; se bjetšwe ka 1981 mo Zevenwacht. Ke mohuta wa morara, yo, o sa bjalwago kudu, e no ba palo ya 1ha ye e hlomilwego ka 2016.

Go Gola

Go boima gore mohuta wo, o gole, Gewürtztraminer ke mohuta wa go tšweletša dingata tše nnyane. (10 – 12t/ha) e gola ka thwii gomme e na le tlhaka ya matlakala e kikitlanego, ge e le koto kudu, dingata ga di kgone go hwetša letšatši gabotse gomme do tšea sebaka go butšwa. Go nyakega e sese gore dingata di kgone go hwetša letšatši gabotse e be dibutšwa ka lebelo.

Go Butšwa

Gewürztraminer ke morara wa go gola ka pela, o buna ka beke ya mathomo ya Febereware.

Matlakala

Morara wa Gewürztraminer o na le matlakala a mannyane, a sebopego sa nkgokolo (matlakala ga a na mathoko ka botlalo) gomme a na le maphone goba dintho tš ntši.

Dithetlwa

Mohuta o na le dingata tše nnyane tša nkgokolo. Dithetlwa tša gona di na le letlalo le le koto la go tia. Di na le mmala o hubedu wa lerotho ge di butšwitše.

Dikhukhwane le Malwetši

Mohuta o bokoa go downy mildew le oidium gomme gantši o na le go senya ke dinyonyane le serame ka lebaka la gore matlakala a ona a na le go tlhaga ka pela morago ga mariga (budburst) le go butšwa ka pela.

Šomišo

Mohuta wa Gewürztraminer o tsweletša dibeine tše šweu tše monkgo o bofefo, gagolo setaele sa tanta e fela o na le go gola bjalo ka beine ya go oma.

Tatso/Mohlodi

Mohuta wa Gewürtztraminer o na le mohlodi wa rose petal, wa go kwagala kudu gantši le monkgo wa lychee. O na le esiti ya tlase, beine e ntšha monkgo wa raranego le mehlodi ya go swana le khekhe ya todi ya dinose, Turkish Delight goba ginger.
Ge o ka tšweletšwa dileteng tša maemo a fodilego o kgona go ntšha mohlodi wa Muscat le spicy, mola merara e butšwitšego kudu e kgona go baba le go ba phenolic, gomme e be e ntšha dintlha tša phaeneapole.

Translated by Lebogang Sewela