I-Eucalyptus, begade isetjenziswa babantu bendabuko be-Australia ngombana inenthako eziqeda ukubhibhidlha - nokupholisa amanceba, ama-fungal infenctions, ukulapha ukutjhisa emzimbeni okukhambelana nomgomani, kuthi abantu be-China, Greek, Europe begodu nabalaphi be-Ayurvedic, bebayisebenzisela, ukubulala amagcikwane kanye nesihlahla sokulapha ukukhohlela. Ngeminyaka yabo-1800s, abodorhodere besele basebenzisa yona i-eucalyptus le ekhandela ukubhibhidlha, lokha nabahlinza iingulani.
I-Eucalyptus, nokho akusiyo yendabuko eSewula Afrika. Amakari la avunwa eentonini ngokukhethekileko kanye nemaplasini amakhulu. I-Eucalyptus etjalwe eSewula Afrika ekhiqiza amafutha ifaka hlangana i-Eucalyptus smithi, Eucalyptus dives kanye ne-Eucalyptus Australiana.
Amafutha we-Eucalyptus, ilwisana nokurhagala komulwana kanye nokulwisana namagcikwana begodu ingalapha ukuvaleka kweempumulo (ngokukhokha intuthwaso ebilisiweko) isiza ukulapha ikinga yamarhala, ibuye isebenze ukulapha imisipha ebuhlungu ngombana ineenthako ezilwisana nokunghanghabala kwemisipha, ingasetjenziselwa ezintweni zokuhlwengisa. Iphuma phambili ekubulaleni iinunwana begodu ingasetjenziselwa ukuhlanza nofana ukuhlambisa iinlwanisithandwa kanye neendawo zazo zokulala. Inzuzo ekulu ngokusebenzisa amafutha we-Eucalyptus kukuthi anamandla wokulungisa ukudinwa kwengqondo ngokuthi iphi imiphumela yokupholisa kanye neyokuthoba umkhumbulo.
Njengendlela yokubuyisela esigeni, isiza ukuqeda ukudinwa kanye nokuvilapha komkhumbulo, bese ivuselele amandla wokusebenza begodu begade isetjenziswa khulu ngeenkumbeni zokufundela njengendlela yokuletha amaphunga ahlukileko kilokho ekuzelwa ngakho. Amafutha we-Eucalyptus akakafaneli bonyana asetjenziswe babantu bengubo abazithweleko, abentwana babantu abanomraro wokuba nokugandeleleka kwegazi kwezinga eliphasi, ikinga yeziso, isibindi kanye nokungesebenzi ngenjayelo kwamathumbu. Amafutha abamba ilangabu lomlilo lula begodu kufuze abekelwe kudne nomlilo osebaleni njengamakhandlela ngaso soke isikhathi.
Amafutha we-Eucalyptus Umkhiqizo wamafutha we-eucalyptus eSewula Afrika uthatha isilinganiso esi-5% womhlaba woke wokusabalaliswa kwawo. Abanye abakhiqizi abakhulu yinarha ye-China kanye ne-Australia. E-Sewula Afrika, imithazo itjalwe esiFundeni sa-KwaZulu-Natal (KZN) kanye ne-Mpumalanga kuthi umkhiqizo omkhulu onamandla ube sedorobheni lakhona e-KZN i-Richmond.