Matluka ya wona ya khiwa kusuka eka misinya leyinga byariwa eswirhapeni nale mapurasini. Vuhumelerisi lebyikulu bya mafurha ya eucalyptus byi vakona kusuka eka swibyariwa swalaha Afrika Dzonga laha kunga Eucalyptus smithii, Eucalyptus dives xikanwe na Eucalyptus australiana. Mafurha ya Eucalyptus ya tiveka hikuva ya susa switsongwatsongwanna xikanwe no pfuna eka swikoweto swa kukhohlola na mukhulhwani. Yapfuna swinene eka sinuse (ku orhovela) notlhela yatirhisiwa eka ku wisisa miri, kuvava ka timayisele xikan’we nokatsiwa eka switirhisiwa swobasisa. Yatlhela yatirha kahle eka kuchavisa switsotswana notlhela yatirhisiwa ku hlambisa swihadyana swale makaya xikanwe na laha switshamaka kona. Mbuyelo lowukulu wa mafurha lawa ya Eucalyptus iku pfuneta eka ku wisisa miehleketo hikuva ya phyuphyisa miehleketo. Hiku komisa yapfuna swinene eka kususa kukarhala naku loloha ka miehleketo, ku nyanyula moya notlhela yatirhisiwa eswikolweni leswaku vana vakota ku dyondza kahle.
Mafurha lawa ya Eucalyptus aya fanelanga ku tirhisiwa hi vamanana lavanga tika e mirini, vana va vanhu lava ngana low blood pressure, diabetes kumbe kidney, liver na swiphiqo swa makhwiri. Mafurha lawa ya khoma ndzilo swinene naswona yafanele kuhlayisiwa ekule swinene na mindzilo leyi pfulekeke kufana na makhandlhela. Kuhumelerisiwa ka mafurha lawa ya eucalyptus e Afrika Dzonga swina xiave xoringana kwalomu ka 5% eka mphakelo wa misava hinkwayo. Tindzhawu tin’wana leti humelerisaka mafurha lawa hile China na Australia. E Afrika dzonga, misinya ya mafurha lawa yi byariwa exifundzeni xa KwaZulu-Natal (KZN) nale Mpumalanga kasi ndzhawu ya vuhumelerisi leyikulu yikumeka e dorobeni ra Richmond, KZN.