I-Rosa damascena ngendabuko ingeye-Middle East begodu itholakala e-Turkey kanye ne-Iran kodwana amasimayo amakhulu khulu atholakala e-Central Bulgaria. Amautha we-Rose la begade asetjenziswa amasentjhuri amanengi ukulapha ikinga yesifuba (asthma), ukukhohlela, ukuvaleka kanye nomgomani, kodwana ibuya isetjenziselwe umnuko omnandi, eensetjenzisweni zesikhumba kanye nezokuhlamba.
Ukukhiqizeka kwamafutha la kuya ngokuhlukahlukana kobujamo obufakahlangana ubujamo bezulu, isikhathi sokuvuna, ubujamo bamathuthumbo kanye nezinye iindlela zokuminya amanzi kizo. Phakathi kwesikhathi sokuvuna umkhiqizo ubamnengi ukudlula ekuthomeni kokuvuna kuthi ubujamo bezulu obupholileko bukhuphula izinga lomkhiqizo.
Amafutha abizwa nge-Rose oil aminywa emathuthumbeni asesematjha ngokuthi akhitjwe ngendlela yesifutho bese kukhiqizeka amafutha wombala omthuthu okusarulana wamafutha avamise ukuqina nakangaphasi kobujamo abopholileko bangendlini. Kukhutjhwa amafutha angalimgamiselwa ku-1 kg emathuthumbeni angaba zi-4 000 kg. I-Rose concrete ikhiqizwa ngokusebenzisa i-hexane nengaba yi-1 kg yamathuthumbo abutheleleneko akhiqiza ukusuka ku-350 kg ukusuka emathuthumbeni amatjha. I-Rose leaf concrete nayo iyakhiqizwa.
Amafutha aminywako la amumatha izakhamzimba, amaninerali, amanzi alwisana ne-asede enengi elimaza indlela yokuphefumula, ukulwisana nokuvuvuka begodu alungele ukusetjenziswa khulu kiyo yoke imihlobo yesikhumba, ekufaka hlangana isikhumba esibuthakathaka nesinamafutha amanengi.
Isiza ukuphungula ububovu begodu iphuma phambili ekumumatheni ukuthambisa isikhumba. Ngale kwalokho, amafutha la angasiza khulu ukulawula i-psoriasis begodu isiza ukulapha iinlonda. Ukusebenzisa amafutha la ngokuwahlikihla ngendlela etjhisako nofana emakhaza kuphungula ukuvuvuka begodu kusuza nokunghanghabala, ekufaka hlangana iinhlungu zokuya esikhathini.
Ikhiqizwa e-Clocolan e-Free State begodu nendaweni ye-Hogsback esePumalanga Kapa Rosa damascena ithela kuhle khulu eendaweni zezinga eliphezulu lezulu kanye nobujamo bezulu obuphholileko njengomba aithuthumbeli lidinga amakhaza webusika ukuthi likhumbe amathuthumbo afunekako. Ngebanga lokuba nesikhathi esifitjhani sokuvunwa kwawo, kukhiqizwa umvuno munye ngonyaka.