Kutala ka mafurha lawa swiya hi maxelo, nkarhi wa ntshovelo, xiyimo xa mabilomu xikanwe na ndlela leyitirhisiwaka ku simula no byala swimilani swa wona. Exikarhi ka nguva ya ntshovelo, kuna ntshovelo wukulu swinene kutlula emasunguleni laha maxelo yavaka exikarhi leswi nga endlaka leswaku ntshovelo wuva ehenhla swinene. Mafurha lawa ya Rose xakumiwa kusuka eka mabilomu yotsakama hikuva ku endliwa leswi vange i steam distillation naswona ya humesa mafurha ya xitshopani xo basuluka nyana lawa ya cincaka nyana muhlovo loko se yari eka mahiselo yale ndlwini. Kwalomu ka 1kg ya mafurha yitswongiwa kusuka eka mabilomu yotsakama yo ringana 4 000 kg. Rose concrete y humelerisiwa hiku tswongiwa ka hexane na kwalomu ka 1 kg ya rose leyi humelerisiwaka kusuka eka 350 kg wa mabilomu yotsakama. Rose leaf concrete na yona ya humelerisiwa.
Switswongiwa kusuka eka rose oil swina ti vitamin, minerali, antioxidants nati anti-inflammatories naswona swiringanerile kutirhisiwa eka tinxaka hinkwato ta nhlonge, kukatsa na nhlonge leyi nyenyelaka. Yitirhisiwa kuhunguta kutshukuluka eka nhlonge. Ku engetela kwalano, rose oil yipfuna kutshungula psoriasis naku pfuna ku horisa swilondza. Kutirhisa rose oil eka mati lawa ya hisaka laha yi hisaka kumbe kutitimela swapfuna kuhunguta kupfimba naku susa ti krempe eka misiha xikan’we notwa kuvava loko vavasati vari emasikwini. Yihumelerisiwa e Clocolan exifundzheni xa Free State xikan’we nale Hogsback kunga ndzhawu yale Eastern Cape Rosa damascena yi hanya kahle nale ka tindzhawu letingana mfula yotala nalaha kungana maxelo yo hola tani hileswi mabilomu yalavaka maxelo yohola kuva ya engetelelana. Kuya hileswi kungana nguva yintsongo ya mabilomu, ntshovelo wuva kona kan’we hi lembe.