Bukettraube

Ihlathululo

I-Bukettraube similo esinomnuko omnanjazana esidabuka enarheni ye-Germany ukusuka emvangweni wamaderibe abizwa nge-Sylvaner kanye ne-Trollinger. Enarheni ye-Germany avuthwa kanengi ngokukhamba kwesikhathi begodu uhlukunyezwa khulu mhlobo kukonakala okubizwa nge-powdery mildew, sinjalo nje sipheze safa besatjhabalala.

Imvelaphi/ indabuko

Ise-Germany

Amanye amagamawo

Bouquettrabe, Bukettrebe, Boxer, Riesling Bukett, Sylvaner Musque, Bukettriesling, Bocksbeutel, Wuerzburger.

Umkhiqizo weSewula Afrika

Isimawo yokuthoma eyagadangiswako yatjalwa ngeminyaka yabo-1978 eplasini elibizwa nge-Lemoenfontein eduze ne-Paarl. Ukutjalwa kwawo kwancipha ngama-280ha ngomnyaka ka-2000 ukuya ku-52ha ngo-2016. Inengi lama-Bukettraube (31.5ha) litholakala eendaweni ezibizwa nge-Swartland.

Umkhiqizo weemphande

Umhlaba woke zombelele kusele amahegere am-70ha kwaphela we-Bukettraube, kuthi ama-68ha atholakale eSewula Afrika (ngomnyaka ka-2014), khulukhulu eendaweni ze-Cederberg, Paarl kanye ne-Malmesbury.

Ukukhula nokuthela kwawo

Isimilwesi sinomkhiqizo ophezulu khulu, kodwana ukhula kabuthaka nokungakarisiko. Kuyabiza ukuwutjala njengomba ufuna ukuthelelwa khulu.

Ukuvuthwa kwawo

Amaderibe la kuwathatha isikhathi eside sokuvuthwa kodwana lokho kurholela ekuphungukeni kwe-asede emuthweko yesilinganiso e-5-6g/l.

Amamomori

Inamamomori anambithako, amakhulu, arondo anamakelo anghwarako kanye nathambileko. Unamamomori aminyeneko akheke njenge-cone.

Iintjhabalalisi kanye namalwelwe

I-Bukettraube iqala phasi nayibanjwa malwelwe afana ne-oidium (powdery mildew) kuthi amakarawo abhincane begodu akakghoni ukujamelana nobulwelobu.

Umsebenzawo

Ngeminyaka yabo-80s i-Bukettraube yenziwa ngendlela yenambitho elimnandi, yasetjenziswa njengesivini sangemva kwesikhathi esihloniphekileko kanye nemivangweni. Nokho awukadumi khulu ngokuba mhlobo wokwenza iwayini engakavangwa namhlanje, begodu ukutjalwa kwawo eSewula Afrika akusikunengi ngebanga lokumila nzima kwawo.

Ukukhula kwe-Bukettraube akuzidluli iinyanga ezilitjhumi nambili. Ungawudla ngokuwuhlanganisa namasaladi weenthako, amakheri, inyama ewosiweko kanye nama-desserts.

Umnambitho

I-Bukettraube ikhombisa amatlhurhelo afana nama-apricot kanye nomnuko omnandi wama-Muscat. Nayithintana nesigodo i-Bukettraube iba nenambitho lebhodoro nofana lesithako.Translated by Johannes Nkosinathi