Tlhalošo
Bukettraube ke mohuta wo mošweu wa beine, wa monkgo o bose kudu, mohuta o tšwa kua Germany, o tšwa motswakong wa merara ya Sylvaner le Trollinger. Mohuta o butšwa morago ga nako kua Germany gomme o bokoa go powdery mildew, mohuta o ile wa hwa mafelelong.Tšweletšo
GermanyMaina a mangwe
Bouquettrabe, Bukettrebe, Boxer, Riesling Bukett, Sylvaner Musque, Bukettriesling, Bocksbeutel, Wuerzburger.Tšweletšo mo Afrika Borwa
Dirapa tša mathomo tše rekotilego, (recorded) di bjetšwe ka 1978 mo polaseng ya Lemoenfontein kgauswi le Paarl. Dibjalo di fokotšegile go tloga palong ya 280ha ka 2000 go 52ha ka 2016. Di-Bukettraub tše ntši di hwetšagala (31.5ha) mo lefelong la Swartland.Dilete tša tšweletše
Ke palo ya go lekana le 70ha ya Bukettraube e lego gona mo lefaseng, gomme go na le palo ya go lekana le 68ha mo Afrika Borwa (2014), gagolo mafelong a go swana le Cederberg, Paarl le Malmesbury.Go gola
Mohuta o na le puno ya godimo e fela o gola ka go nanya e bile o bokoa. Go godiša mohuta wo, go bitša mašeleng a mantši kagobane difothedi di a tura.Go butšwa
Morara o butšwa morago ga nako e fela se se dira gore morara o be le eseti ya tlase, ya go lekana le 5-6g/l.Dithetlwa
Dithetlwa ke tše kgolo, di na le sebopego sa nkgokolo e bile di tile, di na le letlalo la go tia, la go ota. Di na le dikala tše koto, tša go gamollwa le ngata ya sebopego sa mathoko a mararo.Dikhukhwane le malwetši
Bukettraube e bokoa go malwetšing a go swana le oidium (powdery mildew) le go mena ga matlakala le letšatši la go fiša kudu.Šomišo
Ka ngwaga wa bo 80s, Bukettraube e ile ya dirwa ka setaela sa tanta, gomme ya šomišwa bjalo ka puno ya tlotlego le metswako. E nale tumo e nnnyane bjale, e bile e bjetšwe gannyane mo nageng ya Afrika Borwa ka lebaka la bothata ba go gola.
Ga e gola go fetišsa dikgwedi tše lesomepedi. E solwa ka salate ya spicy, curries, nama ya muši goba desserts.