Bukettraube

Nhlamuselo

Bukettraube i xibyariwa lexingana aroma yo basa leyi tumbulukaka e Germany kusuka eka nkatsakanyo wa madiriva ya Sylvaner na Trollinger.

Ya vupfa se kuri khale swinene e Germany naswona ya chava swinene powdery mildew, laha muxaka lowu awuri ekusuhi swinene no hela.

Ntumbuluko

Germany

Mavito yanwana

Bouquettrabe, Bukettrebe, Boxer, Riesling Bukett, Sylvaner Musque, Bukettriesling, Bocksbeutel, Wuerzburger.

Vuhumelerisi e Afrika Dzonga

Masimu yosungula lawa ya nga kandziyisiwa ya sungule kubyariwa rosungula hi lembe ra 1978 e purasini ra Lemoenfontein kusuhi swinene nale Paarl.

Swibyariwa leswi swivuye swihunguteka kusukela eka 280ha hi lambe ra 2000 kuya eka 52ha hi lembe ra 2016. Swimilani leswotala swa Bukettraube (31.5ha) swikumeka eka tindzhawu ta Swartland.

Tindzhawu ta vuhumelerisi

Kwalomu ka 70ha ta misinya ya Bukettraube takumeka laha misaveni, laha kwalomu ka 68ha tinga laha Afrika Dzonga (2014), ngopfu ngopfu e Cederberg, Paarl nale tindzhawini ta Malmesbury.

Kukula

Nsinya lowu wakula swinene, kambe wukula hiku nonoka wutlhela wunga tiyeli. Swadurha swinene kuwukurisa tani hileswi swidurhaka swinene ku wu fafazela.

Ku vupfa

Madiriva ya wona ya hlwela kuvupfa leswi talaka ku endla leswaku wuva na acid yintsongo swinene yakwalomu ka 5-6g/l.

Mihandzu

Mihandzu ya kona yikurile, yiva xirhendzevutani yitlhela yiva na nhlonge yotsindziyela. Yiva na xichocho lexikulu swinene lexingana xivumbeko xa khoni.

Switsotswana na mavabyi

Bukettraube wu karhatiwa swinene hi mavabyi na switsotswana swofana na oidium (powdery mildew) naku tsondzeleleka ka matluka xikan’we notshwa hi dyambu.

Kutirhisiwa

Hi malembe yati 80’s Bukettraube yi endliwile hi xitayele xonyanganya, yitlhela yitshoveriwa endzhaku ka nkarhi woleha no tirhisiwa ku katsiwa na tinwana.

Ayi dumangi ngopfu kambe yitirhisiwa ngopfu yiri yoxe naswona kubyariwa ka yona laha Afrika Dzonga kupimiwile hikokwalaho ka leswi switikaka kuwubyala nowukurisa.

Vuswikoti byo kula bya Bukettraybe abyi lehangi kuhundza 12 wa tinhweti. Yi tirhisiwa na ti saladi ta swipayisisi, kheri, tinyama xikanwe na ti desserts.

Nantswo na muxaka

Bukettraube yina muxaka wohlawuleka wa nantswo wa apricot na nuhelo wa floral wa Muscat. Lowungana nkatsakanyo wa ntsandza Bukettraube lowungana nuhelo wa botere na swipayisisi nyana.Translated by Ike Ngobeni