Izindlu ezi-Practical
Izindlu zama-khoikhoi bezakheke njenge-dome begodu zibizwa bona ma-|haru oms. Izindlwezi zenziwa ngokobana kuthathwe amagatja ahlaza wemithi egade abetjhelwa phasi, agotjwe abotjhelelwe ngemitletlana eyondileko yeskhumba. Egade ivalwa ngemadi eyenziwe ngezandla nanyana ngemigaba egade ilukwe yahlanganiswa. Kwakumsebenzi wamadoda ukwakha amafreyimi, lokha abafazi gade benza iimada ngemigaba.
Izundlu ze-haru oms zazisebenziseka. Imethiriyali yokuzakha gade itholakala smahla esifundeni soke. Ehlobo, imada yemigaba gade ivumela umoya kobana ungene, begodu iletha umthunzi lokha ilanga nalitjhisako. Ebusika, iinkhumba nanyana iimada zokungezelela gade zihlanganiswa nefreyimu zitjhisise nanyana zenze bona indlu ifuthumale. Ukuragela phambili, lokha izulu nali nako, umgaba gade uqumba amanzi angarhoni ukungena ngendlini begodu ngombana yakhiwe yaba rondo, izindlwezi gade zingaphetjhulwa mumoya.
Zifanele Ibhoduluko
Ama- |haru oms bekurhonakala kobana bafuduke nawo. Njeke nakusikhathi sokobana kukhanjwe,gade bawagoqa bawathwale bakhambe nawo kwenye inarha. Amafreyimu gade bawatjhiya wona babuye bawasebenzise eskhathini sonyaka esilandelako nababuyako godu.
Nanyana kunjalo, loke ilunga lomndeni gade lirhona kobana lifuduke qobe nakufudukwako.Abancani khulu nabadala bebavamise ukuhlala emakrestini wasafuthi, egade kuhlala abantu abangafika kwabayi-100.
Amakreste la gade asebenziswa izindlu zomhlobo wama-haru oms ukuhlala izindlwezi, zona gade bangazigirizi ngaphandle kwalokha nabazilungisako.Ama-haru oms gade afanele ibhoduluko amakhuwa afike ahlala enarheni leya nawo azakhela wawo, begodu kwaba zizindlu ezizele enarheni ye-Namaqualand kwaze kwabaminyaka yabo-1900s.
Namhlanje i-Richtersveld ngiyo yodwa inarha ephasini lapha kusatholakala khona ama-haru oms.Asasetjenziswa bafuyi abahlala emphakathini we-Richtersveld begodu urhona ukubona nemizi yesimanjemanje embalwa eyakhiwe ejaridini eduze kwemizi eyakheke ngobutlhaga yentina. Imbonelo zezindlu zesimanjemanjesi zingezelelwa yimetheriyali efana namasenke weplayistiki, kodwana kusese nobufakazi bezindlu zakage ezineminyaka emakhulukhulu zikhona.
Ingozi Yokobana Alitjalwe
Ngebhadi nanyana kunjalo, indlela yokwakha izindlu ze-haru oms isengozini yokobana bazilibale ngebanga lokobana bancani abantu bomhlobo wama-Nama ebahlala e- Richtersveld ebanerhono lokobana bazakhe. Kodwana ilwazi lendabukweli kutlhogeka kobana lingalahleki begodu kusalingwa kobana ilwazeli lidluliselwe esizukulwaneni esitjha.
Ukwenza isibonelo mvanje isqhema sama-Nama we-Richtersveld leqa umgcele laya enarheni yange-Namibia emphakathini we-//Gamaseb bayokufundisa itja yabo ukwakha izindlwezi zesintu ezakhiwe ngomgaba.
Abantu abatjha be-Richtersveld bagcugcuzelwa kobana bafunde indlela le yokwakha, kutjhenywa kobana zokuvakatjha kanye nobujamo bephasi bokuba yendawo yamasiko ( ngebanga lezindwezi) kuzokupha iprogramu le amandla angezelelweko.
Translated by Busisiwe Skhosana