Truffel boerdery in Suid-Afrika is 'n jong maar groeiende bedryf met die fokus op die produksie van meestal Franse swart truffels wat verband hou met eikebome. Dit is 'n hoogs tegniese boerdery wat 'n koel klimaat, ingeënt eikebome, geduld en opgeleide snuffelhonde vereis.
Hoe om met Truffels te Boer
Die kweek van truffels is afhanklik van die beskikbare tegnologie om gasheer bome met spore van die truffel swam te ent wat plaasvind onder streng beheerde toestande.
Om truffels te groei en 'n Truffière ('n stuk grond waar truffels gekweek word) te stig moet die klimaat reg wees. In Suid-Afrika kan truffels net verbou word in gebiede wat koud genoeg met die gemiddelde dag en nag (winter) temperatuur behoeftes tot 8°C wees. Geskikte gebiede sluit in gebiede van die Wes-Kaap, KwaZulu-Natal Midlands, Dullstroom / Machadadorp en rondom Clarens.
Enige tipe grond is geskik vir truffels maar goeie dreinering is nie onderhandelbaar nie. Grond se pH behoeftes moet aangepas word tot 7.9 en besproeiing (wat geïnstalleer moet word voor aanplanting) moet reënval aanvul tot 'n totale beskikbaarheid van water van 4 000 tot 6 000 m3 per jaar.
Saailinge van spesifieke bome (wat verband hou met die spesifieke spesie van truffels wat verbou word in die area) word geënt met truffel spore wat die 'saad' van swamme is. Die saailinge word dan toegelaat om te groei in ʼn steriele medium.
Agtien maande na inenting word die 'truffel bome' oorgeplant in boorde en ten minste nog vier jaar sal verbygaan voordat truffels naby die wortels van die bome geoes kan word.
In Suid-Afrika word Engelse en immergroen eikebome gebruik vir truffel boerdery. Volgens Volker Miros van Woodford Truffels word hazelneut bome nie meer gebruik nie. Selfs al produseer die truffels vroeg, skep die proses van suier verwydering (lote wat vertikaal groei van die basis van 'n stam) baie ekstra werk.
Gemiddeld kan truffel opbrengste in Europa tussen 28 en 39 kg per hektaar wees maar met beter boerderymetodes en bestuur kan opbrengste tot 120 kg/ha wees.
Suid-Afrikaanse truffel boorde is nog jonk en skattings is laag. Verwagte truffels opbrengste en vorige opbrengs word dikwels nie aangemeld nie tog het een Suid-Afrikaanse truffel boer sy skatting van 100 kg openbaar vir 2020. Dit is oor die 5-10 kg per hektaar.
Die Oes van Truffels
Truffels word in klein hoeveelhede oor vier jaar geoes na die aanplanting van die bome, maar daar is industriële maniere om hierdie tyd te verkort, vertel Mnr Miros. ʼn Oes van 90 tot 120 kg/ha in die tiende jaar word beskou as baie goed en hoogs winsgewend.
Die swart Perigord truffels word in Suid-Afrika geoes tussen Junie en Augustus. Truffels is volwasse en gereed vir oes wanneer hulle swart en vratterig aan die buitekant is en 'n ligte beaarde binnekant het wat afgewissel word met swart spore.
ʼn Opgeleide hond word in die boord geneem en loop teen die wind om die truffels uit te ruik wat die tipiese 'oemami' reuk afgee wat uit die grond uit kom. In die verlede is varke gebruik maar dit is nie meer 'n algemene praktyk nie omdat hulle te gretig is om die truffels te eet.
Die truffels word dan met die hand-uitgegrawe. Truffels is al tot 40 cm diep in die sanderige grond gevind en ook net onder die oppervlak in kleigrond, sê Volker Miros van Woodford Truffels in Houtbaai.
Truffel produsente in die suidelike halfrond (soos Suid-Afrika, Chile en Australië) voer uit na Europa gedurende die noordelike halfronde se somer wanneer die Europese truffel voorrade laag is.
Die Stoor en Eet van Truffels
Wanneer dit gestoor word by 4°C sal 'n vars truffel vir tot 18 dae hou. Maar dit verloor 'n klomp van sy 'oemami' geur met verloop van tyd.
Truffels word meestal rou geëet; dun gesny oor pasta, op pizzas, in risotto of deur aftreksels van die truffels in souse en warm geregte te gebruik. Die Burgundy/Swart somer truffel is die beste om te eet as dit gekook is.
Verbruikers word aangeraai om die etiket van produkte wat truffels bevat deeglik te lees. As dit sê "truffel geur" is dit vals. Truffels kan nie chemiese verwerking weerstaan nie, so wanneer etikette sê "natuurlike truffel geur" beteken dit dat die smaak van 'n natuurlike bron se uittreksel is, soos Shiitake sampioene.
Translated by Wilma Koeppen