Wetenskaplike naam: Solanum tuberosum
Plant Beskrywing
Die plant het knolle wat ondergronds groei en die hoofbron van die eetbare deel is. Die knolle kan amper rond wees en sommige is ovaal in vorm.Gebruike
Aartappels word gekook en is ’n bron van koolhidrate. Dit word ook gedistilleer vir die produksie van alkohol of gevries vir slaptjips. Aartappel stysel word ook as ’n verdikkingsmiddel in die kook industrie gebruik. Die aartappelmoere word geplant vir die volgende seisoen se oes.Grondvereistes en Voorbereiding
Die beste is om aartappels in goed dreinerende, deurlugte en voghoudende grond met ’n hoë vrugbaarheid te plant. Sanderige leemgrond is die beste, maar grond met ’n hoë klei inhoud veroorsaak oes probleme. Dit verdra suurgrond met ’n pH van 4.3 – 6.1, maar ’n baie hoë pH bevorder bruinskurf.Ploeg die grond tot 500 mm diep en maak gekompakteerde dele los.
Bewerk daarna die boonste 300 mm, maak seker dat die grond goed losgemaak is en werk organiese materiaal of afgesnyde dekgewasse in die grond in. Die grond moet tydens hierdie proses klam wees. Ploeg laastens die boonste 150 mm om seker te maak dat die grond los is vir die aanplant van die aartappelmoere.