Vito ra xi science: solanum tuberosum
Vito ra ntolovelo: Potato
Nhlamuselo ya Ximilani
Ximilani lexi xina marhavi yoka yanga ringanani na matluka lawa ya kulaka no ka yanga dyiwi naswona mihandzu yakona yiva ehansi ka misava naswona ya dyiwa tani hi swakudya nkulu kusuka eka ximilani lexi. Mazambala lawa yangava ya xirhendzevutani kumbe oval hi xivumbeko.Switirhisiwa
Ya dziwa ya swekiwile naswona yana ti carbohydrates totala. Yatlhela yatirhisiwa eka kuhumelerisiwa ka byala byokarhi. Ya hoxiwa eka xigwitsirisi kuva yata endla machipisi. Mazambala yatirhisiwa ngopfu tani hi swakudya. Yanga tlhela yatirhisiwa tani hi mbewu eka mazambala lawa yangata byariwa eka nguwa leyitaka.Swilaveko swa Misava na Ndzulamiso
Ya lava kubyariwa kahle eka misava leyi khomaka mati, yinga tshamiseka no khoma ndzhongho xikanwe no nona. Sandy loam hiyona misava ya kahle; loko misava yitele vumba yitisa swiphiqo eka ntshovelo. Yakota kuhanya kahle eka misava ya acid, pH 4,3 kuya eka 6,1. Loko pH yiri e henhla yi hlohletela mavabyi eka miasava leyi.Misava yilava kurimiwa kufika eka 500 mm xikanwe na kufayelela maguvadi. Kusukela kwalano yirimiwa kuya fika eka 300 mm naswona u tiyisisa leswaku maguvadi ya fayelelekile kuringana naswona nhova yifanele kususiwa. Misava yifanele kuva yitsakama loko ku endleka leswi. Ekuheteleleni rima misava kufika eka 150 mm kutiyisisa leswaku ndzhawu yobyalela eka yona yilulamerile kubyala mbewu ya mazambala.
Maxelo
Leswi i swimilani leswi tsakelaka maxelo yohola leswi humesaka mbuyelo wa kahle na mazambala ya khwalithi laha kungana maxelo ya kahle na siku ro leha eka tinguva leti kubyariwaka mazambala. Mavabyi, switsotswana na ntshikelelo wa mati eka nkarhi wunwani na wunwani loko mazambala yari eku kuleni iswinwana leswinga nghenelelaka eka kukula ka mazambala. Mazambala aya humesi mihandzu ya kahle loko maxelo ya tlula 28°C.Vabyari
Vabyari vandhuma i BP1, Kufikela namuntlha, Vanderplank, Buffelspoort, Astrid, Hoëvelder, Mnandi.Kuva uri mubyari wa matsavu lawa yankoka swilava leswaku u kuma vuleteri na mpfuneto wohlawuleka.Translated by Ike Ngobeni