Vho-Nelson Mandela Miṅwahani ya u Thoma
Mafheloni a ṅwaha wa 1950, Vho-Mandela vho vha vho no tou vha muthu we aḓi ṋekedzela tshoṱhe kha zwa ḽihoro ḽa ANC.
Vho vha vha murangaphanḓa wa vhaswa ane a shuma o ḓifunga vho vha vha tshi lwa nga maanḓa na zwa muvhuso wa tshiṱalula vha tshi khou ṱoḓa u ḓisa tshanduko na kha vhurangaphanḓa nga ṅwaha wa 1949, vho vha vha tshi khou shuma hu sina malamba kha zwa Chief of the Defiance Campaign nga 1952, vha itwa murangaphanḓa nga vha vunḓu ḽaTransvaal nahone vha mbo ḓi bviswa nga vha muvhuso wa hone, ubva nga ṅwaha wa Ṅyendavhusiku vho vha vha munwe wa vha pomokiwa na hone vha tshi khou dzulela u senga lu sa fheli. Naho zwo ralo a zwo ngo vhuya zwa vha wisa Vho-Mandela.
Vho vha vho ḓi vhudza kha mushumo wavho wa ANC, nahone vha tshi shuma u fhirisa vhaṅwe vharangaphanḓa: vho lapfa nahone vho ima zwavhuḓi, vho naka, vho vha vha na nḓowelo ya u funa zwa u haseledza, vha tshi reila goloi yavho, na mufumakadzi wavho, kha mbingano yavho ya vhuvhili, he ha vha na mufumakadzi wa u naka na uri vho vha vha na hunwe u hulisea hu songo ḓoweleyaho sa muthu mutsu ane avha ramilayo.
Vho vha sa Shavhi u Fhindula
Miṅwaha i tshi khou ḓiya yo vha i tshi khou ḓi sumbedzisa, zwithu zwine zwo vha zwo dzula zwo pikiwa uri zwi nga itwa nga ngoho ya mafhungo. Vho-Mandela vha tshi tou zwiḓivha na hone vha vha vhea vhutshilo havho kha khombo kha muvhuso wa tshiṱalula une wa lwa na vhathu vhoṱhe vhatsu vhane vha edzisa uḓi fhindulela.
Vho-Mandela vho vha vho no thetshela tshigwevho hetsho musi vha khothe na muṅwe mushumisani navho kha ANC Vho-OR Tambo. Feme yavho yo vha ina dzi ofisi kha nnḓu ya mukhantsela tsini na khothe kha Fox Street Johannesburg na tsini na dzi ofisi dza ANC. Vhathu vhe vha ḓo ya kha magistrate, vhoṱhe ho vha hu vhatshena zwenezwo zwo vha zwi songo leluwa.
Magistrate zwo vha zwi tshi mukonḓela musi atshi khou tea u shuma na dzi loyara dza vhathu vhatsu. Vha fanela u lavhelesa dzi fomo zwavhuḓi musi vha khothe, fhedzi zwo vha zwi tshi vhonala uri avha ṱoḓi u fara vhathu vhatsu u lingana na vhatshena. Vho-Mandela vho vha vha tshi zwiita mafhungo uri vha zwi vhone uri vha ya ḓivha mafhungo avho na uri avha nga humeli murahu kha zwine vha khou ṱoḓa u swikelela.
Translated by Khalirendwe Nekhavhambe
Vho- Mandela na vhaṅwe vhaṱanu vhe vha vha vha tshi shuma vhothe vha mbo ḓi bviswa Robben Island vha iswa kha iṅwe dzhele hune a hu ...