Petit Verdot
Ṱhaluso
Ndi muri wa nḓirivhe nntsu,ine ya shumiswa u ṱanganiswa na dzinwe veini nga nḓila ya Bordeaux. Dzina ḽayo ḽi amba uri “ṱhukhu dala” nga tshi French, zwine zwa amba uri ina vhukonḓi musi hu tshi swika tshifhinga tsha uri mitshelo i vhibve fhethu hune ha rothola.
Vhabebi vha nḓirivhe heyi avha ḓivhei, fhedzi hu ya ambiwa uri anga kha ḓi vha vhana vha muri wa Albanian, Balisca kana u nga vha wo bva musi ho ṱanganiswa na nḓirivhe dza ḓaka.
Petit Verdot Grapes in South Africa.
Vhubvo
Hune ya bva hone ahu ḓivhei,fhedzi zwi vhonala unga muri hoyu unga vha wo tumbuliwa Bordeaux vhubvaḓuvha ha France kale hu saathu wanala Cabernet Sauvignon. Muri hoyu wo vhuya wa vha wa ndeme u fhirisa Cabernet Sauvignon kha ḽa Bordeaux, fhedzi usi tsha ḓivhea nga mulandu wa vhukonḓi musi u tshi kaṋiwa. Na u swika ha phylloxera nga vho 1800 na u rotholesa ho kalulaho nga 1956 zwa vho fhungudza u bveledzwa hayo kha ḽa France.
Manwe Madzina
Petit Verdau, Petit verdot noir, verdau, Bonton Bablanc, Bouton, Carmelin, Heran, LAmbrusquet noir, Verdot na plant de palus.
U Bveledwa kha ḽa Afrika Tshipembe
Vhabveledzi vha veini vha Welgemeend ndi vhone vha u thoma u i ṱavha nga nwaha wa 1975. U bva zwezwo mbalo yayo ya thoma u ḓala hu tshitevhela uḓa ha dzinwe dza vhuṱhogwa dzi tshi bva French nga nwaha wa 1990.
U Bveledzwa kha Madzingu
U bveledzwa hayo zwo no hula ubva nga nwaha wa 1990, hune Afrika Tshipembe ya ḓi hudza nga u bveledza yo no swika 750ha nga nwaha wa 2016. Muri hoyu wo ṱavhiwa hoṱhe hune ha bveledzwa veini kha ḽa Afrika Tshipembe. Hune Stellenbosch ya vha hone nga vhunzhi, ya tevhelwa nga Paarl na Robertson.
U Aluwa
I aya aluwa vhukuma fhedzi a iyi nntha, i aluwela fhasi, ubva henefha kha 20028t/ha.
U Kaṋiwa
I kaṋiwa ubva vhukati ha ṅwedzi wa Luhuhi u swika vhukati ha Ṱhafamuhwe.
Mitshelo
I bvisa mitshelo miṱuku, ya tshipulumbu, dza vha na lukanda lwo omaho une dza vha na muvhala mudala wo yaho kha mutsu musi dzi tshi yo kaṋiwa, musi hu sa tou vha na mutsho wavhuḓi iya bvisa mbeu dzine dza vha dala.
Maṱari
Ndi ane o linganela manwe avha mahulu, avha na muvhala mudala a dzula atshi khou hula, avha na zwivhanana zwiṱanu.
Zwiḽi na Malwadze
I vhulawa nga zwivhungu. U ṱoḓa nga maanḓa ḓuvha uri u kaṋiwe khwiṋe na u bvisa muvhala wa vhuḓi.
Mushumo
Mbalo ya muri wa Petit Verdot ine ya bveledzwa kha ḽa Afrika Tshipembe, yo no hula ubva minwahani yo fhelaho. Iya kona na u ṱanganiswa nga nḓila ya Bordeaux, sa tsumbo, Cabernet Sauvignon, Merlot, Cabernet Franc kana Malbev.
Muthetshelo
I bvisa mutshelo une wa vha na muthetshelo wa dzi nduhu, na minwe mitshelo arali yo ṱanganesa na mufhiso nga nwedzi wa Luhuhi. Veini yo swifhala.
Translated by
Khalirendwe Nekhavhambe