Petit Verdot
Nhlamuselo
Petit Verdot i madiriva yantima, lawa hi xintu yatirhisiwaka eka ti wayeni ta Bordeaux. Vito ra wona rivula leswaku “the little green one” hixi French, leswihlamuselaka kutika kukuma mihandzu no kula eka maxelo yotitimela. Vatswari va wona aya tiveki kahle kambe ku ehleketeleriwa leswaku yangava ya huma eka muxaka wa xikhale wa Albanian, Balisca, kumbe kusukela eka kutsemiwa yinwana misinya ya mudiriva.
Petit Verdot Grapes in South Africa.
Ntumbuluko
Loko ntumbuluko wa yona wa mampela wunga se tiveka, muxaka lowu wulanguteka wuhumelerisiwile e Bordeaux laha kunga e dzongeni vupela dyambu bya France kuringana nkarhi woleha kutlula Cabernet Sauvignon.
Muxaka lowu wuze wunga tekeriwa ngopfu enhlokweni kutlula Cabernet Sauvignon e Bordeaux,kambe ndhuma ya yona yivuye yihunguteka hikokwalaho ka swiphiqo swovupfa na vuhumelerisi. Ntungu wa phylloxera lowungava kona himalembe yava 1800s na gwitsi ra 1956, naswona swi hoxe xandla eka kuhunguteka ka vuhumelerisi bya wayeni ya muxaka lowu e France.
Mavito Yanwana
Mavizweni ya yona yikatsa: Petit Verdau, Petit Verdot noir, Verdau, Bonton Blanc, Bouton, Carmelin, Heran, Lambrusquet noir, Verdot xikan’we na Plant de Palus.
Vuhumelerisi e Afrika Dzonga
Welgemeend Wine Estate yuivonaka yiri yona yosungula kuva yi byala muxaka lowu wa madiriva ya Petit Verdot hi malembe yava 1975. Tindzhawu ta vuhumelerisi e Afrika Dzonga ti sungule ku nyanya ku tala, leswi swita endzhaku kaloko kutisiwe muxaka wunwana wa xi French hi malembe yava 1990s.
Tindzhawu ta Vuhumelerisi
Swimilani swa Petit Verdot emasin’wini swivuye swikula no tala kusukela eka malembe yava 1990s, laha Afrika Dzonga yingana kwalomu ka 750 ha wa misinya leyi hi 2016. Muxaka lowu wubyariwa eka tindzhawu hinkwato ta vuhumelerisi ta laha tikweni laha Stellenbosch yingana ndzhawu yikulu swinene ya vuhumelerisi, yilandzela hi Paarl na Robertson.
Ku Kula
Nsinya lowu wukula swinene lero wufika laha wukokovaka e hansi. Wuna vuswikoti lebyikulu lebyinga exikarhi ka 20 t/ha kuya eka 28 t/ha.
Ku Vupfa
Madiriva ya vupfa kuri khale exikarhi ka nguva, kusukela emakumu ka February kuya exikarhi ka March.
Mihandzu
Mihandzu ya nsinya lowu iyi ntsongo, yiva xirhendzevutani, yitlhela yiva na nhlonge yobumbula leyi hundzukaka wasi kuya eka ntima loko yivupfile. Ehansi ka maxelo yoka yangari kahle, misinya leyi yaswikota ku humesa madiriva ya rihlaza lawa ya pfumalaka tinyungu.
Matluka
Matluka ya wona aya kulangi ngopfu yatlhela yava na muhlovo wodzwihala wa rihlaza yava na swiave swa ntlhanu.
Switsotswana na Mavabyi
Muxaka lowu wukarhatiwa swinene hi downy mildew na powdery. Wu lava dyambu rotala swinene leswingata endla leswaku mihandzu yivupfa kahle nova na muhlovo lowutolovelekeke.
Switirhisiwa
Nhlayo ya muxaka wunwe wa Petit Verdot lowu humelerisiwaka laha Afrika Dzonga, wuya wukula swinene eka malembe ya khume lawa ya hundzeke. Yitlhela yitirhisiwa ku endla tiwayeni tantolovelo ta Bordeaux kufana na; Cabernet Sauvignon, Merlot, Cabernet Franc kumbe Malbec.
Nantswo
Madiriva lawa hintolovelo yahumelerisa minantswo ya berry nati nuts. Nuhelo wa matimba wa mihandzu yihumelerisiwa loko misinya ya madiriva yiri laha dyambu rihisaka swinene hi nhweti ya February. Wayeni yakona yitala kuva yi dzwiharile swinene yitlhela onge yiya eka purple.
Translated by
Ike Ngobeni