Swimilani swa laha Afrika Dzonga leswi Tirhaka tani hi Switolwa swa Ntumbuluko

Swimilani swotala e Afrika Dzonga – kungava kuri swa laha kaya kumbe swilo tekiwa swiva swa kwala kaya – switirhisiwile tani hi switolwa swo hlayisa nhlonge kumbe swotola swa organic leswi tirhisiwaka hi vanhu na tinxaka ta laha kaya kuringana malembe yotala. Ma endlelo ya ximanguva lawa ya vumbhurhi ya tekela enhlokweni vuswikoti byo horisa bya swimilani tani hi xitolwa xa ntumbuluko, swihlayisa nhlonge xikan’we na kuvuyerisa ka swona eka rihanyu ra vanhu.

African Wild Potato

Hypoxoside yi kumiwa kusukela eka timintsu ta Hypoxis hemerocallidea’s naswona yi cinciwa kuva rooperol, leyi kunga antioxidant yamatimba naswona yidya hiku olova laha yikumekaka kona. Ku engetela kwalano, African wild potato yile henhla hi nhlayo ya sterol na sterolin, leswi swingana swin’wana leswi horisaka ku pfimba xikan’we naku tiyisa masocha ya miri. Kufana na cortisone yi pfuxelela nhlonge leyi vavisekeke xikan’we naku horisamisiha leyi vavaka. Leyi i antioxidant ya matimba leyingana ndhuma yaku nonokisa ku khalabya/kukhegula.

Aloe Ferox

©Jacques Marais

Aloe ferox gel yina swimakiwa leswi tirhaka (aloin nati amino acids) kutlula xaka ra yona rale Amerika.
Aloe vera. I ximakiwa xa ndhuma eka switolwa swa ntumbuluko, kukota ku pfuxelela nhlonge naku horisa ka xona swipfuneta ku horisa kutshwa hi dyambu kumbe miseve ya dyambu xikan’we naku herisa ku hlohlonyiwa. Handle ka kuva yiri na ti enzyme bradykinase, leti hungutaka ku pfimba, aloe ferox gel yitlhela yiva nati antioxidants nati vitamins A, C na B12. Hikokwalaho ka ti compounds leti tumbetaka melanin, yitlhela yitirhisiwa tani hi lexi vonikerisaka nhlonge xa ntumbuluko.

Mafurha ya Ximuwu

Yo dziva, no vevuka yatlhela ya nuhela nyana mafurha lawa yo huma eka mbewu, ya ximuwu ya tirhisiwa tani hi xitola nhlonge, massage oil xikan’we naku olovisa minwala yo oma leyi nga lovekiwaka eka yona kukatsa na misisi. Yina ti antioxidant to tiyela swnene, hikwalaho ka β–sitosterol, yinga hunguta ku vaviseka ka DNA eka ti cells. Tlhandla kambiri, mafurha ya ximuwu yana nhlayo ya omega-6 leyinga kwalomu ka 30% naswona yana ti vitamins D3, F, K na E (an antioxidant) xikan’we na vitamin A leyi pfuxelelaka ti cell membranes xikan’we naku pfuneta ku susa muna hikuva yi endla leswaku kuva na collagen. Vitamin F iti fatty acid leti pfuxelelaka kumbe kuvuyelerisa ti cell membranes.
Ku horisa na ku nghenelela ka mafurha ya ximuwu swipfuna eka psoriasis na eczema tani hileswi yi vuyelerisaka kutani yitlhela yi pfuxelela epidermis.

Kalahari Tsamma Melon Oil

©Marinda Louw

Kalahari tsamma yi tumbuluka endzhawini ya Kalahari e Dzongeni wa Afrika naswona yitirhisiwile kutlula 4 000 wa malembe lawa ya hundzeke tani hi xitolwa xa nhlonge.
Rixaka ra San (Bushman) ava tirhisa mafurha lawa ku tola eka nhlonge ya vona, ku pfuneta kukula ka misisi, laha muhandzu wakona loko wukatsiwe na mati awu toriwa ku sivela kuhisiwa hi dyambu.
Hikokwalaho ka nhlayo yale henhla ya linoleic acid (leyi fanaka na primrose oil) mafurha ya mbewu ya Kalahari melon ya pfuneta ku susa ku pfimba naswona swi endla leswaku yava kahle swinene ku tirhisiwa eka nhlonge leyingana mafurha kumbe swirhumbani. Linoleic acid yi hunguta kuhumesiwa kati hormones hi sebum, yi vuyelerisa ku tsanyuka ka nhlonge xikan’we naku hunguta ku debya ka tinyama. Mafurha ya mbewu ya Kalahari melon ya kahle swinene loko uri na xikirefela kumbe nhlonge yi nwayisa.
Hikwalaho ka ti fatty acid ta wona, mafurha lawa ya lulamele ku tirhisiwa eka xisibi xa ntumbuluko.

Mongongo/Manketti Oil

Mongongo seed oil (Schinziophyton rautanenii) leyi tlhelaka yitiviwa tani hi manketti oil – yi kamiwa (hiku olova) kusuka eka timongo leto tsindziyela ta nsinya wa Mongongo, lowu milaka etindzhawini ta Kalahari e Dzongeni wa Afrika, laha ayi tirhisiwa hi vanhu va ndzhawu liya kutola misisi xikan’we naku sirhelela nhlonge eka dyambu.
Mongongo oil, yi sirhelela nhlonge na misisi loko eleostearic acid yitwa miseve ya dyambu.
Mafurha lawa ya xitshopani xovonikela ya mbewu ya mongongo ya tswongiwa, leswi endlaka leswaku yava kahle eka aromatherapy nale ka switolwa swa ntumbuluko. Yile henhla hi zinc (Zn) na vitamin E (an antioxidant) leswi katsaka nsirhelelo naku sivela kupfimba, yitlhela yipfuna swinene eka ku tshungula eczema xikan’we naku hlohletela kuvuyelela ka nhlonge naku pfuxelela ti cell hivuntshwa.

Helichrysum Oil

Helichrysum odoratissimum (muxaka lowu tirhisiwaka ngopfu naswona wa laha Afrika Dzonga) wutiveka kuva wuri lowunga heriki, mphepho (Xhosa, Zulu), kumbe kooigoed (Khoisan, Afrikaans).
Mafurha lawa ya nkoka yana nuhelo wotiya swinene wa mihandzu naswona yatirhisiwa ngopfu eka swo nuherisa kasi masalela ya ximilani xakona ya tirhisiwa hi xintu kutshungula mavabyi yotala.
Loko yi tirhisiwa tani hi switirhisiwa eka switolwa swo hlayisa nhlonge swa ntumbuluko na swotola, mafurha ya helichrysum lawa yanga pfimbiseki, ayana ti fungi naswona yana xisibi lexi tshungulaka swivati, dermatitis na swirhumbani. Ya tlhela ya kota ku nonokisa kukula leswi hlohletelaka mpfuxelelo wati cell, leswinga kahle kuva yitirhisiwa ku sirhelela nhlonge eka dyambu xikan’we na mafurha yo tola nhlonge.

Mafurha ya Makanyi

©Genet

Mafurha ya makanyi (Sclerocarya birrea) yatirhisiwa ngopfu e tindzhawini tale Limpopo e Afrika Dzonga tani hi xitola xa nhlonge, xo hlamba misisi leyi omeke, ku pfuneta eka xisibi xikan’we naku endla massage eka vana.
Mafurha ya makanyi yakahle swinene hikuva yana oleic acid ya ntumbuluko, leyinga e henhla hiti antioxidant. Yi tsakamisa xikan’we naku olovisa nhlonge yitlhela yi hunguta mafelangati eka nhlonge.
Ya fuwile hiti fatty acids, xivumbeko xa molecular xa mafurha ya makanyi hi xona xa nkoka eka ku endla leswaku ya tirha hiku hetiseka tani hi xitoriwa xa nhlonge xa ntumbuluko naswona ixa nhlonge leyinga kula leyinga phameriwiki ngopfu. Naswona yale henhla hiti vitamin C na E naswona mafurha lawa aya basulukisis.
Mafurha ya makanyi ya rhetela swinene; ya tirha kahle eka migingiriko ya massage.

Translated by Ike Ngobeni