Jadisô
Dinawa tse tala di jadiswa gotswa mo peong.Mokgwa wa Jalô
Jalô e dirwa ka go jala peo ka tlhamalalô mo mmung. Jalô e ka dirwa ka seatla kgotsa ka motšhine. Dipeo di jalwa mo boteng jwa centimeter di le pedi goya go di le tharo.Katologanô
Dijalo di tshwanetse go ka katologana ka sekgala sa di-centimeter di le tlhano goya go di le lesome, mo meleng e e katologaneng ka sekgala sa 50 goya go 60 centimeters. Seno e ka nna dijalo di le 400 000 mo hekethareng.Nako ya Jalô
Dinawa tse tala di ka jalwa go simolola ka Phatwe go fitlha ka bothari jo bo jaaka Moranang, fela fa dithemphoritšhara tsa Motsheganong di sa ye tlase ka potlako.Paka ya Kgolô
Dinawa tse tala di butswa le go siamela go ka kotulwa go simolola mo malatsing ale 60 goya go ale 70 morago ga jalô. Di ka kotulwa ka metlha go fitlha mo malatsing ale 90 goya go ale 100 morago ga jalô.Kumisô
Ka metlha go botlhale go dirisa maele a a neilweng ka go dirisa dipholô tsa disampole tsa mmu tse di tserweng le go sekasekwa gotswa mo masimong a go tlilweng go jalwa mo go ona.Fa mmu o sena go baakanngwa le go phepafatswa, ke mokgwa-tiriso o o siameng go tsenya menontsha e e jaaka mosutele kgotsa motshotelo, mme yona e tlhakatlhakanngwa le mmu o o mo bogodimong jwa 400 goya go 500 millimeters fa go lengwa tshimo. Sejalo sa khurumetso sengwe le sengwe se se jadilweng le sona se tlhakatlhakanngwa le mmu mo nakong eno. Gantsi seno se dirwa dibeke di ka nna 4 pele ga jalô. Fa o siame go ka jala, tsentsha 1000 kilograms mo hekethareng ya motswako o o siameng wa N(Nitrogen) P(Phosphorus) K(Potassium) jaaka 2:3:4 mo di-centimeter tsa mmu tse di fa godimo di le lesome. Dibeke di le pedi goya go di le tharo morago ga jalô, lokela mosutele wa fa godimo wa 150 kilograms ya LAN mo hekethareng, mme dibeke di le pedi morago ga fao (malatsi a ka nna 35 morago ga jalô) lokela 150 kilograms e nngwe mo hekethareng.