Leina la Bonetetshi: Phaseolus vulgaris L
Leina la Tlwaelô: Green beans
Tlhalosô ya Sejalo
E ka nna setlhatshana kgotsa senami, mme fa go le jalo se tshwanetse go jalwa ka thulaganyo ya trellis go tshola dinawa di se mo mmung.Ditiriso
Di ka jewa di apeilwe kgotsa dinawa tse diša di ka diriswa di le tala mo disalateng. Gape di dirwa dijophetolwa le go tsenngwa mo metêmeng.Ditlhokegô le Paakanyô tsa Mmu
Fa o simolola go baakanya mmu, tabola pele sampole ya mmu wa kemedi gore o sekasekwe ke laborotori e e seriti. Buisana le motlhankedi wa selegae go bona maele ka ga seno.Dinawa tse tala di diragatsa sentle mo mebung ya motlhaba le ya serokwa e e ntshitsweng metsi sentle. Di ka jalwa mo mebung e e bokete ya mmopa, fela seno ga se eletsege. Dinawa tse tala di ka mela mo mebung ya pH e e ka nnang le seêlô sa esiti sa 5.6, fela dintshô-tlhagiso tse di manontlhotlho di bonwa mo mebung e e nang le pH ya 6.0 goya go 6.5. Dinawa tse tala ga di gole sentle mo mebung ya alkaline le eseng.