Tinyawa ta Rihlaza

Vito ra xi science: Phaseolus vulgaris L
Vito rantolovelo: Green beans

Nhlamuselo ya Ximilani

Tinyawa ta rihlaza tinga kumeka tani hi xihlahla kumbe swinsinyani swantolovelo laha tinga byariwaka kutani ti endleriwa nseketelo leswaku tinga kokovi e hansi.

Switirhisiwa

Tinyawa tinga dyiwa tiswekiwile kumbe tinyawa letintsongo tinga tirhisiwa eka ti saladi tinga swekiwanga. Ta lulamisiwa xikan’we naku cheriwa eka swithinani.

Swilaveko swa Misava na Ndzulamiso

Loko u sungula ku lulamisa misava u fanela kuteka swikombiso swa misava leswaku yiya langutisisiwa hilava vangana vutivi. Burisana na extension officer wale kusuhi na wena kukuma switsundzuxo eka leswi.
Tinyawa ta rihlaza tihanya kahle eka misava ya sandy loam kuya eka loam soils leyi tswongaka kahle mati. Tinga byariwa eka misava leyinga ya vumba kambe leswi aswi hlohleteriwi. Tinyawa ta rihlaza tinga mila eka misava leyi pH yayona yingana acid tani hi 5.6 kambe loko u lava mbuyelo wa kahle misava yifanele kuva na pH ya 6.0 kuya eka 6.5. Tinyawa ta rihlaza ati hanyi kahle eka misava ya alkaline naka ntsongo.

Maxelo

Maxelo ya kahle yasukela eka 18 kuya eka 26 degrees centigrade laha mahiselo yale hansi yafaneleke kuva eka 5°C naswona yale henhla yanga fika eka 35°C leswinga vaka na xiave xo biha eka khwalithi ya swibyariwa. Tinyawa ta rihlaza titsakela nguva leyi hisaka naswona tichava swinene maxelo yotitimela naku tsandzeka ku kondzelela gwitsi. Swilaveko swa maxelo eka swibyariwa leswi swahambana kantsongo kambe aswi hambani ngopfu.

Swibyariwa

Tinxaka leti tlhumaka
Wintergreen, Contender, Class Act, World Cup, Provider, Imali, Malelaan, Star 2000, Derby, Star 2052, Espada, Champ.
Tinxaka letinga Tlhumiki
Witsa, Lazy Housewife

Translated by Ike Ngobeni