Ukurhatjhwa Kwaso
Ama-green beans atjalwa ngembewu.Indlela Yokutjala
Sitjalwa ngokobana kufakwe imbewu yaso phasi. Singatjalwa ngezandla nanyana ngomtjhini. Imbewu yaso itjalwa emasenthimitheni amabili nanyana amathathu ukuya phasi.Iinkhundla
Iintjalo kufanele zenzelwe isikhundla esingaba masenthimitha amahlanu ukuya kwalisumi emareyini angaba masentimitha amasumi amahlanu ukuya emasenthimitheni amasumi alikhomba. Lokhu kungaba ziintjalo ezingaba yi-400 000 i-hectare ngayinye.Isikhathi Sokutjala
Ama-green beans angatjalwa ukusukela ngo-Rhoboyi ukuya ngo-Ntaka kwaphela nangabe amazinga womtjhisi akakehli khulu.Isikhathi Sokukhula
Ama-green beans vane sele akhulile lokha sele atjalwe amalanga amasumi asithandatthu kuya kwamasumi alikhomba, begodu angavunwa ngokuragela phambili kusukela emalangeni ayi-90 kuya kwayi-100 ngemva kokobana atjalwe.Ukuvundiswa
Kuhlala kumbono omuhle ukusebenzisa iimphakamis ongokusebenzisa imiphumela yamasampula wehlabathi ethethwe emasimini lapha kutjalwe khona yahlolwa. Ngemva kokobana sele ilungisiwe yakulunyagwa, kuhle bona ufake amakhemikhali afana nomanyoro nanyana ikhomposti ehlabathini ephezulu emamilitha ayi-400 – kuya ku-500 lokha upeta isimu.Esinye nesinye sitjalo esivala ihlabathi singatjalwa ngesikhathesi. Kuvamise bona kwenziwe ngemva kweemveke ezine ngaphambi kokutjala.Lokha sele ulungele ukutjala i-ikhilogramu eyi-1000 we-LAN i-hactare ngayinye ye-N (Nitrogen) P (Phosphorus) K (Potassium hlanganisa i: - 2:3:4 ehlabathini ephezulu.
Ukuthelelelwa
Kufanele ihlabathi ibemanzana lokha nawusitjalako. Ngemva kokusitjala thelelela ihlabathi kuhle. Ulise imbewu bona imile, kuthi lokha sele imilile, ngemva kwamalanga alikhomba ukuya kwalisumi ngemva kokobana usitjalile, ungasithelelela godu. Thelelela ngamanzi ahlangana namamilimitha ayi-35 ukuya ku-40 ngeveke. Ihlabathi eyisanda isebenzisa amanzi amanengi. Ngaphandle kokoban ihlabathi kungenamanzi nanyana eyidaka, kungathelellelwa kabili ngeveke.Translated by Busisiwe Skhosana