Pšalo ya Dinawa tše Tala

Phatlalatšo

Dinawa tše tala di phatlalatšwa go tšwa go peu.

Mokgwa wa go Bjala

Go bjalwa ka go bjala dipeu. Pšalo e ka dirwa ka diatla goba semotšhene. Dipeu di bjalwa botebong bja disentimetara tše pedi goba tše tharo.

Katologanyo

Dibjalo di swanetše go ba le sekgoba sa go lekana disentimetara tše tlhano goba lesome ka dirapana mo direing tša go lekana disentimetara tše 50 go 60. Ye ke e ka ba dibjalo tše 400 000 godimo ga hektare

Nako ya go Bjala

Dinawa tše tala di ka bjalwa go tloga ka Agostose go fihla morago ga nako ka Matšhe ge dithemperetšha ka Mei e sa wele tlase kudu.

Nako ya go Gola

Dinawa tše tala di thoma go gola le go buna go tšwa matšitšing a ka bago 60 go 70 go tloga pšalong. E ka bunwa ka sa kgaotšego go fihla matšatši a 90 goba 100 morago ga pšalo.

Nontšho

Go kaone ka mehla go šomiša ditšhišinyo tše di filwego ka go tšweletša dipoelo tša moemedi wa dišupommu tšeo di bego di le go sekasekwa go tšwa mafapheng ao a tlogo bjalwa.
Ge mmu o beakantšwe e bile o hlwekišitšwe ke mokgwa wo mobotse wa go oketša dibolang tše dingwe tša go swana le monontšha goba manyoro gomme se šoma ka godimo ga mmu wa dimilimetara tše 400 go 500 ge o lema. Dibjalo tše dingwe tšeo di be di bjadilwe di ka lemelwa mmung ka nako ye. Ka tlwaelo se se dirwa dibeke tše nne pele ga pšalo. Ge o ikemišeditše gobjala o šome ka dikilogramo tše 1000 godimo ga hektare ya (naetrotšene (N) P (fosforo) K (potassiamo) ye botse, o di kopanye go swana le 2: 3: 4 ka gare ga mmu wa wa godimo wa disentimetara tše lesome.
Dibeke tše pedi go ya go tše tharo morago ga pšalo o diriše souse ya mobugodimo ya dikilogramo tše 150 tša LAN godimo ga hektare mme dibeke tše pedi (ka morago ga matšatši a 35 morago ga pšalo) o šomiše ye nngwe ya dikilogramo tše 150 godimo ga hektare.

Nošetšo

Mmu o swanetše o be monola gannyane ge o bjala. Ge go šetše go bjadilwe o nošetše mmu gabotse. Go tloga fao o tlogele dipeu gore dimele gomme ka morago ge dibjalo di thoma bontšha, ka morago ga dibeke tše šupago goba tše lesome ka morago ga pšalo go tloga fao nošetša e latelego e ka dirwa. Go nošetša go lekana mm tše 35 go 40 tša meetse ka beke. Mmu wa mohlaba o na le go diriša meetse a fetago ao a nyakegago. Ka ntle le ge mabu o le boima o ka nošetša gabedi ka beke.

Translated by Lebogang Sewela