Sejalo se, se botlhokwa mo Afrika Borwa ka gonne Basotho ba dirisa matlhare a sone go dira mere e e ka phekolang malwetse a letlalo le dintho. Ditiriso tse di tlwaelegile di akaretsa kalafo ya PMS kgotsa matlhoko aa tsamaisanang le bona setswalo (menstruation). Malwetse a manyaapelo (depression) ka gonne e kgona go lekelekantsha di-hormone tsa motho.
Mo indastering ya di-cosmetic, ke enngwe ya metswako e e dirisediwang go thusa letlhalo fa motho a fisitswe ke molelo kgotsa fa letlalo le ka segwa ke sengwe mme wa bona matsadi. Mo indastering ya dijo e dirisediwa go naya dijo tatso, bogolo setonna mo dijong tse di nang le mmala o pinki. Cape Rose Geranium e kgona go bolaya dikokwanatlho (anti-bacterial), e fokotsa borurugi (anti-inflammatory) e bile e koba ditshenekegi kaga e na le ‘geraniol” le “citronellol”.
Le fa e le gore e tlholega mo Afrika Borwa, e lemiwa lefatshe ka bophara. Bogolosetonna kwa India, China le Egepeta. Mathlare a sone a kgetlhiwa gararo mo ngwageng. A bedisiwa ka tsela ya “steam-distillation” go antsha oli e e tshesanyane, ya mmala oo botala jwa mmala wa lephutshe (yellow-grenish). Mafelo aa lemang rose gerania ka bontsi mono Afrika Borwa ke Mpumalanga, KwaZulu Natal, Westerne Cape le Profinsi ya Limpopo. Sejalo se se tshaba serame.