Yini Spinach seSidvuli?

© Gaynor Schoeman
iDune Spinach (Tetragonia decumbens noma ‘kinkelbos’ nge Sibhunu) ikhula kancane (0.1 – 0.3 ngemamitha kuya etulu) sihlahla lesicancako lesitfolwa etindzaweni letisedvute nelwandle kanye nasetidvulini letidvune nelwandle. Lesitjalo sitfolwa ngase ningizimu yase Namibia ngasemnceleni kuya eEastern Cape.
Lamagala angaba ngetulu kwa 1 mitha ngebudze, enta timphandze emkhatsini wesikhatsi. Emacembe aso laluhlata lotopele lahluma esimeni selitulu lesomile avalwe ngemanti-tinhlayiya letigciniwe letimanya elangeni. Letimbali letinetincenye letine letimtfubi tichakata kusuka ngenyanga yeNgci kuya kunyenga yeLweti phindze ikhokhe titselo letinemakona lamane ngesikhatsi sasehlobo – leligama ‘yi tetragonia’ lichaza titselo letinemakona lamane.
Sipinachi se Sidvuli sisita kususa lesihlabatsi sesidvuli bese sakha tintfo letakhiwa tintfo letiphilako leti, ngengucuko, tinika indzawo kulentinye titjalo kutsi titakhe tona. Ngekwengeta, emacembe kanye nemahlanga aso ayadliwa futsi alungela kuvunwa ngesikhatsi sasebusika. Yiba nesiciniseko kutsi ukha emacembe kuphela futsi ungancutsi lesitjalo sonkhe. Siwashi kkahle kwentela kusisusa sihlabatsi bese sidliwa siluhlata nasiyisaladi. Uma sibilisiwe, silahlekelwa yincenye yeluswayi salo. Sidle ngebhatha ku pasta (labanye bapheki bengeta isorrel), kusaladi yemazambane kanye naku stir-fries.

Kuhlanyela Sipinachi seSidvuli

Sipinachi sesidvuli sikhula ngekushesha, sinakekelwa kancane lesitjalo lesingahlanyelwa ngekuphindze uhlanyele tintfo letincane temahlanga netimphandze tinamatsele. Lesitjalo sicinile futsi singakhula emhlabatsini wematje – indlela yekuhlobisa tindzawo tesidvuli. Kudzingeka emanti lamancane, kepha kubalulekile kugcina timphandze timantana ngemuva kwekuhlanyela futsi. Lesitjalo sikkhokha timbale ngesikhatsi sentfwasahlobo asinawo emagciwane futsi asinato tilwanyana.

Translated by Phindile Malotana