I-Dune spinach (Tetragonia decumben nanyana i-‘kinkelbos’ nge- Afrikaans) stjalo esikhulela phasi (0.1 - 0.3 m ukuya phezulu) Umutjhana orangako otholakala eendaweni wezisetlhagwini eziseduze nelwandle. Istjalwesi sitholakala kusukela e-southern Namibia magega netlhagwini ukufika esifundeni sange-Eastern Cape. Amagatjaso alnegako ingadlula imitha yinye ngobude, abenemirabhu. Amakari waso ahlaza ngokungeneleleko avalwe masele abamba amanzi aphazimako elangani.
Amathumbumbo waso asarulana abloma kusukela ngoRhoboyi ukuya ngoSinyikhaba akhiqize iinthelo zaqo ehlobo-ibizo i-‘tetragonia’ litjho bona isthelo esinamahlangothi amane. I-Dune spinach sirhelebha ukunzinzisa ihlabathi eyibhutjhubhutjhu, yenza ne-organic matter eyenza bona iintjalo eznye zithole indawo ezingamila kiyo. Ukungezelela, amakaraso kanye neqolo laso kuyadliwa begodu kuhle lokha nakuvunwa ebusika. Qiniseka bona ukha amakarfi kwaphela ungadosi istjalo soke. Wahlanze kuhle ususe isanda uwadle ahlaza emasaladini. Lokha nakabilisiweko, aloba itswayi. Wadle nge-butter nanyana i-pasta (lokha nawuwaphelikeko faka i-sorrel), esaladini yamazambani kanye nakuma-stir-fries.
Ukutjala I-Dune Spinach
I-Dune spinach ikhula msinya, ayitlhogi ukutlhogonyelwa khulu, begodu ingatjalwa iincephu zeqolo laso ezisabambelele imirabhu. Istjalwesi siqinile begodu sikhula kuhle ehlabathini eyisanda - istjalwesi siqinile begodu siyamila nehlabathini eyisanda. Asitlhogi ukuthelelelwa, kodwana kuncono ukobana imirabhu yaso ihlale imanzi ngemva kokusitjala godu. Amathuthumbo waso abloma etwasahlobo ukuya ekuthomeni kwehlobo begodu ispinach lesi sikhiqiza iinthelo ehlobo. I-Dune spinach asibanjwa malwelwe nanyana zinunwana.Translated by Busisiwe Skhosana