Tintfo letidzingekako tekudlisa tinkhomo telibisi
©Rykie Visser Agrinet / Gibson Supplies
Nawusabuka kutsenga tinkhomo nawuala liplazi letinkhomo, khona tintfo letidzingekako lokufanele ube nato ungakaletsi tinkhomo. Kwakha takhiwo tinkhomo setikhona kungaba yinkinga ngoba kutowenta tinkhomo tingakhululeki loku kutophindze kwente tingakhiciti kahle.
Tinkhomo letisengwako tidzinga indzawo lapho titodlela khona futsi tisengelwe khona kabili ngelilanga phindze nedzawo lapho titolala khona. Indlu yetinkhomo letingamunyisi kanye nematfole iyadzingeka nayo. Tintfo letidzengekako tiya ngekutsi nguliphi lihlobo lekudlisa lelitosebentiswa.
Kudlisa tjani tinkhomo telibisi
Kulena ndlela yekudlisa, kudzingeka indzawo lenetjani. Bukhulu baleli dlelo lingalinganiselwa ku 1 hecta etinkhomeni letingu3, nalenye indzawo lengetiwe leyentelwe tinkhomo letingamunyisi kanye nematfole. Lena nhlobo yekudlela iphindze idzinge indzawo yekubeka tintfo tekunisela. Loku kudzingeke kusita uma ivula inganetsi kahle. Kube nalapho kutohamba khona emaphayiphi. Tintfo lapho khona tinkhomo titonatsa khona emanti kufanele tibe khona.
Indlela yekudlisa tinkhomo leyatiwa nge ‘zero-grazing system
Lenye indlela yekudlisa tinkhomo yi ‘zero-grazing system’. Tinkhomo tidliswa iTotal Mixed Ration (TMR) kabili ngelilanga. TMR yindlela yekudlisa tinkhomo lehlanganisa iForage, umbila, protein feeds, minerals, vitamins konkhe loku kuhlanganiswa entfweni yekudla.
Tilwane tidliswa ngetigaba letikuto ngekukhula. Kwenta sibonelo, umlimi wetinkhomo telibisi utoba nentfo yekudlela levulekile yetinkhomo letimunyisako, tinkhomo letomile kanye nematfole. Yonkhe intfo yekudlela itoba nentfo yekudla kanye nentfo yemanti.
Tintfo tekudla kungaba siyilo. Intfo yekudla ingaba siyilo lesingu 50 kuya ku 100m2 inkhomo iyinye kuye ngekutsi ivula inetsa kangakanani. Kwenta kutsi emanti ahambe kahle, lentfo yekudla kufanele yehlele kancane.
