Tindlu letivele takhiwe tingasebentiswa ngoba silwane sisinye sidzinga 10 m2 silwane sisinye. Loku kutovikela tilwane kutsi tingashiswa lilanga ehlobo, tingatfolwa yimvula kanye nelidzaka lokungabangela kutsi tinkhomo tingenwe tifo. Futsi kungavikela kutsi bulongo bungahambi kakhulu. Idzawo yekulahla bulongo kufanele ibe khona kwentele kutsi bulongo bungancolisi. Siyilo sasemende akusiyo indzawo yetinkhomo telibisi, ngako ke tinkhomo kufanele tibe nesiyilo semhlabatsi.
Letinye tintfo letidzingekako indzawo leyanele yekubeka kudla kanye nedzawo yekuhlanganisa kudla kungakaphiwa tilwane. Loku kufanele kube dvutane nedlu yetinkhomo khona utonciphisa umsebenti.
Indlu leyakhiwe kahle kute iphatse tonkhe tinhlobo tetilwane kufanele yakhiwe ngumuntfu lonelwati kuloku. Tintfo tekudlela kufanele tibe seceleni kwalapho kuhlala kudla khona. Ngendlela lendlu lema ngayo kuya ngekutsi umoya ushaya kanjani kanye nevula. Nekuhamba kwelilanga kufanele nako kubukwe ngoba tinkhomo kufanele tivikelwe elangeni.
Tintfo tekusengela
