Izindlu Ezitlhogwako zeNkomo Zebisi

Indlu enama-cubicles nanyana ama-stalls ingenziwa ngombana lokhu kutlhoga indawo encani engaba yi-qobe ikomo. Lokhu kuzozivikela ekutjhiseni kwehlobo, nanyana kuna izulu nalokha kunedaka elingarholela ebulwelweni be-mastitis kanye nokubola kweenyawo. Umanyoro ogijima namazni wezulu nawo ungalawulwa. Kufanele kwenziwe umgodi lapha kubekwa khona umanyoro ukukhandela bona amadamu wemvelo angangenwa ngiwo ubange umonakalo.
Ifluru eplayisteriweko ayisimbono omuhle wokuhlalisa iinkomo zabisi, njeke iinkomo kufanele zihlaliswe nanyana zithole isibaya esinehlabathi naziphumula ukuhlala esibayeni esisindwe phasi ukukhandela imiraro yamaqatha. Ezinye izindlu ziba nendawo eyaneleko yokubeka ukudla (ihoyi kanye nama-concantrates) nendawo lapha ukudla kungahlanganiselwa khona ngaphambi kokobana ziphiwe. Lokhu kufanele kube seduze nalapha zihlala khona ukuphungula umsebenzi.

Kufanelwe usiyazi weembaya zenkomo akhe indlu engarhona ukuhlalisa yoke imihlobo yeenlwane nanyana iinkomo zebisi. Iimumathi zokudla kufanele zibe ngehlangothini lesibayeso eduze kwalapha kubekwa khona ukudla kweenkomo ukwenzela bona kube lula ukuzipha ukudla. Ukobana isibaya sakheke njani kuya ngokobana umoya ungena njani kiso kanye nezulu. Ukukhamba kwezulu kufanele kutjhejwe nakho ngombana iinkomo kufanele zivikelwe elangeni lokha nazidlako. Iimumathi zokudla kufanele zibe setjingalanga yesibaya begodu zifulelelwe ukuvikela ukudla elangeni.

Imakhiwo Yokusengela

©Chris Daly

Isibaya esingangeni ithuli siyatlhogeka lokha kunenkomo zebisi.Lapha iplasi lilincani, ukusengwa kwenziwa ngesandla nanyana ngokusebenzisa umtjhini omncani wokusenga orhona ukuthuthwa ngekoloyi. Kufanele kube namanzi atjhisako kanye namakhaza wokuhlanza umtjhini wokusenga kanye namakotikoti webisi ngemva kokusenga. Indawo yokomisa amakotikoti webisi kanye nesikhala sokubeka imitjhini yokusenga nayo iyatlhogeka. Isimumathi esikhulu sebisi/-milk vat lapha lisokupholiselwa khona kufanele sibe khona lapha kuzokufakwa khona ibisi.

Translated by Lizzy Shongwe