Yindlu Leyi Lavekaka eka Tihomu ta Masi
Swivala swohambana hambana leswingana ndzhuti swifanele ku endliwa laha kufaneleke kuva na xivala xin’we hi homu loko swilaveka kumbe laha kunga endliwaka ndzhawu yintsongo yotani hi 10 m² hi xifuwo. Leswi swita sirhelela swifuwo eka kuhisa ka dyambu ra ximumu, maxelo ya timpfula xikan’we na swiyimo swa ndhope leswinga vangaka mastitis xikan’we na vuvabyi bya swinondzwanat. Ku khuluka ka manyoro naswona swinga lawuriwa. Vuhlayiselo bya tluva yifanele kuva kona kusivela kuva byiya thyakisa swinambyana swa ntumbuluko.
Laha hansi loko ku cheriwe concrete ahi swantumbuluko eka tihomu ta masi, tihomu ta masi tilava misava yantumbuluko leswaku tita kota kupfa ti handza ehansi. Switirhisiwa swin’wana swikatsa ndzhawu yoringanela yaku hlayisela swakudya (hay na nkatsakanyo wun’wana) na ndzhawu leyi swakudya swinga katseriwaka kona. Leswi swingava ekusuhi na laha tihomu tinga pfaleriwa kona kuhunguta ntirho. Swivala sworinganela swalaveka kuva swi pfalela tinxaka hinkwato ta swifuwo kukatsa na tihomu ta masi leswi swifaneleke kuva swiendliwa hi munhu loyi angana ntokoto na vutivi bya swivala swa tihomu.
Swodyela eka swona swakudya swifanele swiva etlhelo ra swivala leswi leswaku kuta cheriwa swakudya kutani tihomu tikota kudya. Xivumbeko xa swivala leswi switaya hiku moya wuhungela tlhelo rihi xikan’we na mpfula loko yina. Mafambelo ya dyambu nawona yafanele kuva yatekeriwa enhlokweni leswaku tihomu tita sirheleleka eka dyambu loko tiri ekudyeni. Swodyela eka swona swifanele kuva swiri e dzongeni wa xivala na lwangu roringanelakuva swi sirheleleka eka mpfula.
Xivumbeko xaku sengela kona
Kufanele kuva na xivala xin’wana xale tlhelo lexingariki na ritshuri (kumbe ndzhawu) leyi lavekaka leswaku kuta sengeriwa kona tihomu. Eka purasi lerintsongo, ku senga swi endliwa hi mavoko kumbe kutirhisiwa muchini lowuntsongo lowu fambisekaka. Mati yo hisa nayo titimela ya fanele kuva kona kuva yata hlantswa tinhlungu ta mavele ya homu loko kunga se sengiwa tihomu xikan’we naku hlantswa muchini wosenga hi wona na swochela masi loko ku heta kusengiwa. Kufanele kuva na ndzhawu yaku nekela kona mathini yo chela masi loko ya hlantswiwile na ndzhawu yaku veka kona swibye leswitirhisiwaka ya laveka. Xohlayisela masi lexikulu lexinga titimetaka masi xifanele kuva kona ku hlayisela masi.
Translated by
Ike Ngobeni
