Roussanne

Inchazelo

iRoussanne yinhlobo yewayini lemhlophe lechamuka esigodzini se Rhȏne eFrance. Leligama lizuzwe egameni leFrench ‘roux’ (bovu) njengoba lisho libala lelibovu lemagungumence nasekavutsiwe. Ligilebisi lelingeta iacidi, umsoco nemakha uma ihlanganiswe naletinye tinhlobo letifana ne Marsanne.

Lapho Evela Khona

eFrance

Lamanye Emagama/Emabito

iRoussanne inemagama lafanako lamashumi lamabili nesitfupha lanjenga Barbin, Bergeron Fromental kanye ne Rebellot. eCalifornia, beyisanganiswe ne Viognier, kepha abukho budlelwane phakatsi kwaletinhlobo letimbili. Le Roussanne du Var yesikhumba lesiphinki kanye naleligilebisi le Roussette angaba nemagama lavakala ngekufana, kepha ayikahlobani ne Roussanne. La Ningizimu Afrika, lentalo ibhalwe nge ‘Roussanne’.

Kukhicita eNingizimu Afrika

Tinhlayiya tahanjiswa nga 2000 ngu Simon Barlow wase Rustenberg eStellenbosch lowaphindze wenta inhlobo yekucala yalewayini. Langangemahekitha lamashumi nesikhombisa eRoussanne lehlanyelwe la Ningizimu Afrika ngaphandle kwetigodzi tase Northern Cape, Robertson na Worcester. Tinhlanyelo letibonakalako tifaka iPaarl (27ha-emahekitha lamashumi lamabili nesikhombisa) Malmesbury (16ha-emahekitha lalishumi nesitfupha) kanye ne Stellenbosch (11ha-emahekitha lalishumi nakunye).

Kukhula/Kuhluma

iRoussanne idzinga simo selitulu lesomile kwentela kukhona kuvutfwa futsi inemahloni ekutfwala (sitfupha-siphohlongo sema ton/ha) ngisho nangaphansi kwesimo sekukhula lesitsandziwe. Yintalo lesebenta ngekutimisela. eCalifornia kwatfolwa kutsi emagilebisi ayincelencele elangeni nekondzisa lamacembe kuciniseka kutsi kuveta tonkhe letitfungo kusita kuphucula kuvutfwa.
Umehluko we Roussanne wekuvutfwa uchaza kutsi kumele incutfwe sikhatsi ngesikhatsi. – kuvuna ngesandla ngukona kunconotwa. Lenhlobo ibonakala ivutfwa ngelikhono lelisetulu lelizinga letjwala. Kungako ke kumcoka kugadza lokugcineka kwetjwala kwaleliwayini.

Kuvutfwa

iRoussanne ilungela kuvunwa ekucaleni kwesikhatsi sayo – emva kwe Sauvignon Blanc.

Emagungumence

Lamagungumence mancane phindze ayindingilizi futsi anelibala lelimtfubi lotopele loya kunsundvu nasekavutsiwe.

Emacembe

Lamacembe asemkhatsini ngelinani, ahluke kasihlanu – nematinyo lavulekile layindingilizi.

Tilokatane Nemagciwane

iRoussane iyincelencele kakhulu kumuhlwa loyimphuphu nekuhlukumetwa ngumoya lokungenta kutsi ikaleleke ekukhuphukeni.

Kusetjentiswa

La Ningizimu Afrika iyatfolakala ngewayini leyiyinhlobo yinye, kepha loku kudulile. Ihlanganiswe ne Marsanne kanye ne Viognier kucala inhlobo lemhlophe lenemakha netipicy, kepha inetitselo. Iphocelelekile ekugucukeni. Inhlangano ye Roussanne yemsoco, imisoco ne acidi, yehlela kahle ekukhuleni – kufika kanye nekwengca iminyaka lelishumi. Lewayini izuza kuphatseka kahle kulesigodvo – noma sibiliso/inhlama lehlangene noma kukhula ku m-okhi.

Kuvelela/Sinongo

Emawayini lakhiwe ngemagilebisi eRoussanne ayatsatseka ngaleliphunga/kunambitsa kwawo. Avunwa ngekushesha ngashukela lophansi, lamawayini abesolo anemtimba lokahle uma futsi ayekelwe kutsi atovutfwa kahle, igcina sigaba lesihle se acidi.
iRoussanne ayisiyo inhlobo lekahle yesitselo. Inconotelwa kubonakala kanye nekuvelela kwayo kepha simo sekubaba siyavakala. Lemphumulo ingabanebutselo ngalesinye sikhatsi, ivete simo saphayinaphu kanye nemoyana/liphunga letimbali noma timbali tesiganga.

Translated by Phindile Malotana