Roussanne

Nhlamuselo

Roussanne i madiriva yobasa lawa ya tumbulukaka endzhawini ya Rhône e France. Vito leri ringava risukela eka rito ra xi French ra ‘roux’ (red) kuya hileswi rihlamuselaka kutshuka ka madiriva lawa loko ya vupfile. Hi wona madiriva lawa ya engetelelaka acid, mfuwo na nuhelo wakahle loko se yikatsiwe nayanwana kufana na Marsanne.

Ntumbuluko

France

Mavito Yan’wana

Roussanne yina 26 wavamavizweni kufana na Barbin, Bergeron Fromental and Rebellot. E California,ayi tekiwa onge i Viognier, kambe akuna vuxaka exikarhi ka madiriva lawa. Lawa yangana nhlonge ya pink Roussanne du Var na madiriva ya Roussette yangava yatwala kufana hi mavito kambe ayana vuxaka na byintsongo na Roussanne. E Afrika Dzonga madiriva lawa yatsarisiwe tani hi ‘Roussanne’.

Vuhumelerisi e Afrika Dzonga

Muxaka lowu wufikile laha tikweni hi malembe yava 2000 hi Simon Barlow wale Rustenberg e Stellenbosch loyi anga tlhela ava wosungula ku endla wayeni yakona. Kwalomu ka 75ha ta Roussanne tibyariwile laha Afrika Dzonga handle ka tindzhawu tale Northern Cape, Robertson nale Worcester. Tin’wana tindzhawu laha yinga byariwa hile Paarl (27ha) Malmesbury (16ha) nale Stellenbosch (11ha).

Ku Kula

Roussanne yilava ndzhawu leyinga oma na dyambu kuva yivupfa kahle naswona ayitswali madiriva yotala ngopfu (6-8 ton/ha) hambi kuri eka xiyimo lexi nsinya wayona wukulaka kahle. E California swikumeke leswaku madiriva ya wona yachava ngopfu dyambu naswona kuva matluka yakheleriwa swiendla leswaku dyambu ringhenelela emarhavini leswaku madiriva yata hatlisa ya vupfa.
Kuva madiriva ya Roussanne yanga vupfi hinkarhi wun’we swivula leswaku ntshovelo wuva kona himinkarhi yohambana hambana naswona kufanele kutshoveriwa hi voko. Loko madiriva ya vupfa yatala kuva yatalele hi nhlayo ya xihoko. Swina nkoka kuva kulawuriwa nhlayo ya xihoko eka wayeni.

Ku Vupfa

Roussanne yiva yilulamerile ku tshoveriwa emasunguleni ya nguva endzhaku kaloko kutava kutshoveriwe Sauvignon Blanc.

Mihandzu

Mihandzu yakona yintsongo, ya xirhendzevutani naswona iya muhlovo lowuyaka eka xitshopani loko yivupfile.

Matluka

Matluka ya wona aya kulangi naswona yana swiave swantlhanu lawa ya endlaka onge yova na matinu.

Switsotswana na Mavabyi

Roussanne yi chava swinene powdery mildew naswona yitala kuvavisiwa hi moya loko wuhunga leswi hungutaka mihandzu ya wona.

Switirhisiwa

E Afrika Dzonga yikumeka tani hi muxaka wun’we wa wayeni, kambe leswi swa durha swinene. Yikatsiwa na Marsanne and Viognier kuva yi endla nkatsakanyo wa nuhelo na swipayisisi, leswingana mihandzu. Yitlhela yikavanyetiwa swinene hi oxidation. Mpfanganyiso wa Roussanne wufuwile, wuna swicelwa na timinerali na acid swi endla leswaku yikula kahle kufikela kwalomu ka 10 ra malembe. Wayeni leyi yitlhela yivuyeriwa swinene hikuva yivekiwa emakhuwanini ya pulangi.

Nantswo/Nuhelo

Tiwayeni leti endliweke hi madiriva ya Roussanne titiveka hikuva tifuwile hi aroma. Loko ya hatlise ku tshoveriwa yava yari na chukele rale hansi, loko yatshikiwa nkarhinyana leswaku ya vupfa ngopfu yava yahari na nhlayo yakahle ya acid. Roussanne ahi muxaka lowungana nantswo wa mihandzu. Yitsakeriwa ngopfu hikuva yi horile swinene.

Translated by Ike Ngobeni