Roussanne

Tlhaloso

Roussanne ke veine e e tshweu ya mofuta o o farologaneng go tswa kwa tshimologong ya kagola ya veine ya Rhône kwa Fora. Gongwe leina le rebotswe go tswa mo leina la Sefora ‘roux’ (khibidu) e kaya mmala o mohibidu wa borekhu fa bo budule. Ke terebe e e oketsang botlha, go nona le monko fa e tswakilwe le mefuta e mengwe jaaka Marsanne.

Tshimologo

Fora

Maina a Mangwe

Roussanne e na 26 ya makaelagongwe jaaka Barbin, Bergeron Fromental le Rebellot. Kwa California, e ne e tlhakatlhakanywa le Viognier, fela ga go na kgolagano fa gare ga mefuta e le me bedi. Diterebe tse letlalo le le pinki tsa Roussanne du Var le Roussette di ka nna le maina a modumo o o tshwanang, mme ga e a tsalana le Roussanne. Mo Aforika Borwa, mofutapeo o o kwadisitsweng o jaaka ‘Roussanne’.

Tsweletso mo Aforika Borwa

Tse di dirilweng go tshwana le yona di raopilwe ka 2000 ke Simon Barlow wa Rustenberg kwa Stellenbosch yo gape e le ena wa go dira veine ya ntlha ya mefuta. Go ka nna 75ha ya Roussanne e ne ya jalwa mo Aforika Borwa kwa ntle le mo dikgaolong tsa kwa Kapa Bokone, Robertson le Worcester. Go jala go go bonalang go akaretsa Paarl (27ha) Malmesbury (16ha) le Stellenbosch (11ha).

Kgolo

Roussanne e tlhoka maemo a loapi a letsatsi a a omileng go butswa botlhelele e bile ke monntsha kuno yo o ditlhong (6-8 ditono/ha) lefa e le ka fa tlase ga maemo a a ntseng sentle a kgolo. Ke mofutapeo o o nang le tiro e e tseneletseng. Kwa California go ne ga fitlhelwa gore diterebe di bosisi go marang a letsatsi mme go fokotsa matlhare gore a nne masesane go netefatsa gore go na le kamego ya marang go diako tsotlhe go thusitse go tokafatsa le go butswisa.
Go butswa ga Roussanne go go farologaneng go kaya gore go tshwanetse gore kgetliwe makgetlo a le mantsi. – go kutulwa ka diatla ke gona go go ratwang. Mefuta e na le go butswa ka bokgoni jo bo kwa godimo jwa nnotagi. Ka jalo go botlhokwa go laola diteng tsa nnotagi ya veine.

Go Butswa

Roussanne e itanetse go kotulwa ka tshimologo ya setlha – morago fela ga Sauvignon Blanc.

Borekhu

Borekhu ke bo nnye le bokgolokwe le boserolwa jwa go ya go bokhibidu ka mmala fa e budule.

Matlhare

Matlhare a bogareng ka bogolo, go tsenelela ga loreto la botlhano ka bokima jwa men.

Disenyi le Malwetse

Roussanne e masisi go monyo wa lerole le go tlhaselwa ke phefo e e ka fokotsang kuno.

Tiriso

Mo Aforika Borwa e ka bonwa jaaka veine ya bongwe e farologaneng, mme e le e e turang thata. E tlhakantswe le Marsanne le Viognier go dira motswako o mo sweu o o monko le boseloki mme e le moungo. E tlhaselwa ke go go tharoloswa. Motswako wa Roussanne wa khumo, bomenerala le bogalaka, e e adima sentle mo botsofeng - go ya go dingwaga tse di fetang lesome. Veine e ka una le mosola go tswa mo kalafing ya dikgong – e ka nna go titiyelwa ka swaki kgotsa go tsofalelwa mo oukung.

Tatso/Moutlwalo

Diveine tse di dirilweng go tswa mo diterebeng tsa Roussanne di kwadilwe ka ga monko wa tsona o o tseneletseng.
E kotulwa go sa le gale ka disukiri tse fokoditsweng, diveine di sa ntse di na le mmele o o siameng le fa di ka tlogelwa go butswa go feta, e tshwara maemo a bogalaka a a siameng. Roussanne ga se ya mefuta e e boungwa thata. Ke itumelelwa that ka go nna mafurana le phopholego mme ponalo ke ya bo pepere gantsi e kwadilwe. Nko e ka nna Boboatsatsi ka dinako tse dingwe, di bontsha ponalo ya bopeinapole le monko o fetang wa Lily kgotsa dithunya tse di tlhaga.

Translated by Lawrence Ndou