Kuhlola Lizinga le Manti lwe Aquaculture

© Marinda Louw
Lizinga lemanti elidamu kanye nendlela yemanti eaquaculture (kufuya timfishi temantilahlobile) kumele ahlolwe ngaphambi kwekufuywa kwetimfishi kucale. Sonkhe sikhatsi tsatsa imifanekiso yemanti etindzaweni letehlukene kulelidamu hhayi emnceleni wemanti kuphela.
Kumanti langetulu: hlola lemifanekiso yemanti kwentela umoya, ipH, initrogen lephelele, ammonia ne phosphorus (P) lephelele.
Kumanti latsetfwe ngetulu kwelidamu: hlola umoya, ipH ne ammonia.

Indlela yekwenta Umfanekiso weManti eliDamu

Sikhatsi lesilungile sekutsatsa imifanekiso yemanti eWestern Cape kungaba yinyanga yeLweti kuya kuyaBhimbidvwane, kusho Henk Stander mengeni longumuphatsi wetebungcongcoshe ku Aquaculture: Litiko leTilwane teSayensi ku Nyuvesi yase Stellenbosch.
Emanti emfanekiso eceleni kwendzawo lengetulu (kusuka kulimitha linye kuya kumabili ngekushona) nekusuka dvute kwangaphansi kwelidamu ngemitamo yemifanekiso yemanti. Kumadamu langashoni kakhulu, tsatsa umfanekiso ngekhatsi kwelidamu bese lomunye umfanekiso ngaphandle.
Tsatsa munye kuya kumibili imifanekiso noma ngetulu kwaloko umangabe imali yakho ikuvumela; kwenta ibhorethrwi lephelele luhlolo lutokibita emkhatsini wa R1 500 na R2 000 (2019). Sisindvo semfanekiso wa 350 ml sitolunga. Gcina efiligini bese uhlelisa ngemalanga lamatsatfu ekutsatsa imifanekiso, kucwayisa Stander.

Lizinga Letigaba Temanti eAquaculture Lelingabangilo?

©Brian Ginn, North American Lake Management Society (NALMS)
Imifanekiso yemanti ihleliselwa tindzawo letehlukene futsi kungafaka luhlolo lwetintfo letisindzako. Lelizinga lemanti langiwo (ngaphambi kwekucala kufuya timfishi letihala emantinilahlobile) kumele kube ngalendlela lelandzelako:
Umoya
Umoya lowenele kumanti langetulu: 7 kuya ku 12 mg/L.
Tigaba letiphakeme kakhulu temoya tingakhombisa kuhamba kwe phytoplankton kukhula kanye nekukhulisa letingoti temoya ngesikhatsi le phytoplankton ifa.
pH
ipH yemanti langetulu kumele ibengaphansi kuna 8 kanye nasemkhatsini wa 5 na 8. Lomehluko emkhatsini wangetulu nangaphansi kwemanti ipH kumele ibengaphansi kwa 1.5
Ammonia
Letigaba te ammonia ngaphansi kumele tingengci ku 1 mg/L.
TP
iPhosphorus lephelele (TP) yemanti langetulu kumele ingengci ku 50 mg/L (0.05 mg/L).
TN:TP
Inombolo yenitrogen lephelele : iphosphorus lephelele (TN : TP) kumele yengce 20. Loku kwentelwa kugwema tinongo kuletimfishi ngenca yetitjalo letihluma emantini.
Kubonakala
Kubonakala lokukahle kumele kubengetulu kwemasentimitha laMashumi laSihlanu njengoba kutsetfwe ngekufundvwa kwe Secchi-disc.

Translated by Phindile Malotana