Kuhlanyela iBrinjal
Kuhlanyela
Uhlanyela kusukela enhlanyelweni.
Indlela yekuhlanyela
iBrinjal ngalesinye sikhatsi ihlanyelwa ngekufaka inhlanyelo emhlabatsini, kepha balimi labanyenti bacala ngekwenta titfombo letikhuliswe endzaweni lenye, tikhule tibe ngema centimitsa langu 10 kuya ku 15. Kuhlanyelwa kwentiwa ngesandla noma ngemushini. Endzaweni lapho khona emanti ahamba kahle khona emhlabatsini wesanti, iBrinjal ihlanyelwa ifakwe emhlabatsini, kepha lapho kuhamba kwemanti emhlabatsini kuyinkinga balimi bahlanyela emhlabatsini lophakamisiwe. Kuncoba likhula, gcina umhlabatsi uphole kahle uphindze wente umhlaba ushise balimi basebentisa emaplastiki lamnyama.
Sikhala
Sihlahla se Brinjal sijwayelwe kwentelwa sikhala lesingu 50 cm kwehlukana kwetihlahla emalayinini lahlukane nga 75 cm. Bengcisa lilayini linye kwenta indlela lapho basebenti batohamba khona, ungakhulisa tihlahla letting 25 000 kuli hecta linye.
Sikhatsi sekulima
Tinhlanyelo te Brinjal tihlanyelwa nasekutophela August ngoba emazinga ekushisa acala kukhuphuka kanye na October. Tinhlanyelo tingahlanyelwa endlini leluhlata kusukela nga July kwentiwe titfombe tekuhlanyela nakufika August.
Sikhatsi sekuhlanyela
Hlanyela tinhlanyelo te Brinjal kusuka nga August kuya ku December. Kuhlanyela nasekuhambe sikhatsi kungentiwa etindzaweni letishisako letingabandzi kakhulu nakucala busika.
Sikhatsi sekukhula
iBrinjal ingavunwa emuva kwemaviki langu 10 ihlanyelwe, etindzaweni lapho umhlaba ukulungele loku. Kuvuna kuyacubeka emuva kwemaviki langu 12 futsi kungacubeka kute kube ngemaviki lafika ku 20 kusukela ihlanyelwa. Labanye balimi lapho busika bufika uma sekuhambe sikhatsi noma emazingeni ekushisa ase tropical ungakhona kushintja tintfo.
Kuvundza
Uma uhlanyela titfombo, hlanyela 500 kanye ne 1000 kg ye 2:3:4 (30) (kuhlanganiswa kwe Nitrogen, Phosphates kanye ne Potassium) kuli hecta emhlabatsini longetulu ungakahlanyeli. Lokufanele ukufake kutoya ngekutsi umhlaba unjani. Emuva kwemaviki lasihlanu kuya kulasitfupha emuva kwekuhlanyela kungeta iNitrogen ngekufaka 250 kuya ku 400 LAN ingafakwa. Loku kungalunga ute uyovuna. Loku kungahlukaniswa kabili, emavikini lasihlanu kuya kulangu 8 kusukela uhlanyele. Uma usebentisa manyolo lomanti kufanele ufake 4kg kanye na 5 kg ye Nitrogen ngeliviki emantini.
Kunisela
Kufanele kuhlale kube nentfo lehlola kutsi kumanti kangakanani emhlabatsini. Intfo lebitwa ngekutsi yi ‘soil auger’ ingasebentiswa kuhlola kutsi umhlabatsi umanti kangakanani. Sikhatsi lapho khona sihlahla sikhipha timbali simcoka ekukhuleni kwetihlahla. Emanti lakahle ekunisela angaba 20 mm kuya ku 35 mm emanti ngeliviki. Ngesikhatsi lesishisa kakhulu kunisela kungandlula ku 40 mm ngeliviki.
Translated by
Phindile Malotana