Abefuna kufundzela budokotela, kepha kute inyuvesi lebeyifuna kumemukela njengemfundzi lomnyama ngakoke wacolela kuyofundzela tibalu kanye ne physics (incenye yesayensi) ku Nyuvesi yase Fort Hare lapho khona ahlangana na Nelson Mandela kwekucala. Ngemnyaka wa 1942 wahlangana na Walter Sisulu eGoli wase ujoyina licembu letihlakaniphi/tati (lokwafaka Nelson Mandela) lebebavusetela licembu laKhongolose (ANC).
Tambo waphumelela njengemmeli ngemnyaka wa 1952 wase utsintswa ngu Mandela, lobekaphumelele njengemumeli, base benta inhlanganisela, basebenta kanyekanye. Bavula lihhovisi eNdlini ye Chansela eGoi njenge femu lesemtsetfweni ya Mandela na Tambo.
Tambo wahamba iminyaka lemashumi lamatsatfu ahambela kukhankasela iANC aphindze achaze simo selubandlululo eNingizimu Afrika. Watjeka iUN nga 1963 ngesicelo sakhe sekukhululwa kwetiboshwa tepolitiki lokwatfola lihlombe lekuma kulabo bebakhona.
Lesimubonako ngu Oliver na Nelson bahlangana kwekucala kumhlabatsi wase Ningizimu Afrika nakabuyile Tambo ekuhambeni kwakhe iminyaka lemashumi lamatsatfu ngemnyaka wa 1990 natilishumi nakutsatfu ngenyanga ye Ngongoni.
“Ngatsi ngisahamba ngiyophuma emnyango locondze egedeni lebelingibhekise kunkhululeko yami, ngati kutsi kube angishiyanga bumunyu bami kanye nekutondza ngemuva, ngabe solo ngisejele." ~ Nelson Mandela
Brenda Fassie lobekatsintsekile, umhlabeleli lowatiwako wase Ningizimu Afrika, watsandvwa ngu Mandela....
Nelson Mandela ubuyela ekhaya lakhe eSoweto ngemuva kwekukhululwa ejele nga 1990. Nelson wakhulela eNo. 8115 eSitaladini saseVilakazi futsi ...
Mandela abetsandvwa balandzeli bakhe kanye neluphawu lenkhululeko lwabo bonkhe. Uvame kubonwa njengemuntfu longunkhulunkulu eNingizimu Afrik...
Mandela watfola umchele webudokotela eNyuvesi yase Witwatersrand eGoli....