Inyama yalogwaja yincane, yinyama lemhlophe futsi ikahle kakhulu kutsi ingadliwa. Ingiko konkhe kepha yinyama lengenamafutsa, emafutsa lakakhona ngulakakuletifele latfolakala etinsweni nakumalunga enyama lamancane lasemahlombe. Lenyama inemaphrotheni laphakeme (Kuphakama lokungemaphesenthi lamashumi lamabili kushiyana ngekutsi beyiphiwa ini) iphindze ibe nemafutsa lamancane kakhulu.
Iyinyama lekahle kutsi inikwe emadvodza esipothi njengoba igaya kamalula. Inyama yalogwaja ingasetjentiswa kutinongo letakhelwe inkhukhu, kepha kunakekela kumele kutsatfwe kuze ingatophekeka ivutfwe kakhulu ngoba itokoma bese iyacina. Njengoba angekho emafutsa kulenyama, kuyifaka tinongo ngaphambi kwekuyipheka kuyasita kakhulu kuyenta ihlale itsambile. Kuyinonga kungentiwa ngemafutsa, ngesosi yatamatisi, liwayini, galikhi, luswayi kanye nephepha noma loko lokukhona noma emacembe lafana ne parsley kanye ne thyme.
Indlela letsandzekako yekupheka kutsi ubilise lologwaja wonkhe ngesitokhi. Lesitokhi singabe sakhiwe ngatotonkhe tinshwana letijutjwe kulofile logwajwa kufaka inhloko, tinso, inhlitiyo kanye nalokunye. Ngeta anyanisi, ticadzi, galikhi, emafutsa lamancane laphuma enkhukhwini noma lamanye emafutsa kepha gcina sibindzi usigcinele kudla lokwentiwa ngenyama. Beka tigadla tetitokhi-tenkhukhu noma letibabako - kungaba kuvanga lokukahle. Ngemuva kwekubilisa, yijube uyente emacatsa, faka ecandzeni nakutimvutfu tesinkhwa bese ufraya emafutseni. Nonga kahle bese uyatichaza ngalokudla lokumnandzi.
Logwaja angaphekwa emlilweni lovulekile.Vanga lenyama yalogwaja kucala bese uyipheka ngekushesha kwentela kuvikela kutsi ingomi. Kuyibilisa kucala bbese uyifaka sinongo lesivelelako kuyindlela lekahle kwentela kugcina lolokusajusi kulenyama.
Tibindzi talogwaja tingentiwa kudla lokwakhiwa ngenyama lokumnandzi, kusebentisa tindlela letilula lekufana na anyanisi, emacembe, bhatha kanye ne sherry noma ibrandy kunika sicalelo lesikahle kunyama lehlanganiswe kahle. Pheka letibindzi nga anyanisi kanye nemacembe kuze lesinongo lesiphuma kulo anyanisi nesibindzi sinciphiseke. Khweshisa emlilweni, ngeta bhatha kanye netjwala bese uyahlanganisa kuze kutsambe ngalokuphelele.
Translated by Phindile Malotana