Ligama lelatiwako: yi Asparagus
Kuchaza ngeKuhlanyela
iAsparagus inhlanyelo letsatsa sikhatsi lesidze noma emacembe lasuka kumndeni we Asparagaceae. Letitjalo tikhula kusuka kutimphandze letinkhulu letingaphani, letibitwa ngekutsi tihloko/ngumchele. Tihloko tichakata kusuka kulomchele bese tivela ngetulu kwendzawo kantsi futsi yincenye levunwako bese iyadliwa. Letihloko noma letikhali tema asparagus tivunwa ngesikhatsi tisengakakhuli kahle nangesikhatsi asetsambile futsi aphushuka, atsi nasekakhulile asemkhatsini wemasentimitha lalishumi nesihlanu nemashumi lamabili ngetulu kwemhlaba. Umangabe tikhali tivumelekile kukhula ngetulu kwaloko abese ayacina aphindze akhicite emahlanga lacinile kanye nemagala phindze anesitjalo lesinemacembe lamadze.Lesitjalo se asparagus singakhula sibengetulu kwemamitha lamabili ngekuya etulu. Kusuka kulamagala emagungumence lamancane labovu angakha futsi loku kukhula kube tinhlavu letisetjentiselwa kukhokha titjalo letincane. Uma lesitjalo sikhula singenamndlandla noma singakhuli kwasanhlobo ngasekupheleni kwelikwindla noma ekucaleni kwebusika, lamagala angajutjwa ngasemuva aphindze abutfwe kwentela letinhlavu letihlangene nawo.
Kusetjentiswa
iAsparagus idliwa njengesibhidvo lesibilisiwe, lesishisisiwe, lesifakwe emafutseni sashiswa noma lesidliwa siluhlata njengesaladi. Sivutsiwe ngabo vitamina A, B6, C, E na K nako kutfwele tigaba letiphakeme te folate, calcium, iron nema protein. Kutsiwa isita kuvikela ematje etinsweni. iAsparagus iphindze ilungiswe bese itsengiswa ngetikotela.Tidzingo teMhlabatsi kanye Nemalungiselelo
Ngaphambi kwekuhlanyela yenta kuhlola umhlabatsi nekuchaza ngalensimu lekumele ihlanyelwe. iAsparagus ingahlala ikhokha,, kusikhala sinye sendzawo, iminyaka lelishumi nesikhombisa. Ngalesisizatfu, kulungiselela umhlabatsi kumcoka kakhulu. iAsparagus yenta kancono emhlabatsini lonematje lamancane kakhulu nalonelibumba, ludzaka netintfo letifile. Angahlanyelwa emhlabatsini lone pH lesemkhatsini wesitfupha nesikhombisa. Inyanga ngaphambi kwekuhlanyela umhlabatsi kumele uphakamiswe cishe ube ngemakhulu lasitfupha ema mm kwentela kukhulula lomhlabatsi. Uma lomhlabatsi une esidi leningi bale pH kumele incishiswe, bese kungetwa ilime kwentela kuletsa le pH ibengetulu kwesitfupha.Lomhlabatsi ubese ugutjwa ngaphansi uguculwe ubesemkhatsini wemakhulu lamane kuya kumakhulu lasihlanu ema mm. lokwekuvundzisa sitjalo sasekucaleni kungabese nyalo kusetjentiswa kulesihlabatsi kanye nakule lime. Kunyenga lelandzelako nasewulungele kuhlangyela, faka lesitjalo semakhemikhali sekucala bese uhlanganisa loku kulomhlabatsi longetulu longemasentimitha lamashumi lamabili ngelikhuba lekuhlanyela. Loku kuphindze kukline phindze kulinganise indzawo yakho yekuhlanyela bese kusuka lokhula lolukhona lolutsetse indzawo. Nyalo ke sowulungele kudvweba imigca yakho yekuhlanyela bese uyacala kuhlanyelaa tihloko tema asparagus akho.