Taolo ya Dibjalo tša Leek

Phetošopšalo

Leek ga e nyake go fepwa kudu e bile e hloka phepo ye nnyane go feta dibjalo tše dingwe. Ka fao, leeks e ka bjalwa ka morago ga mehuta ye mengwe ya merogo. Bontši bja dibjalo di ka latela leeks ka ntle le dinawa le dieie.
Poelo (ditone ka hektare)
Leeks tše kgolo tša go ba le dikutu tša go lekana 12cm go ya go 15cm le diameter ya 2 cm go ya go 3cm.
Poloko: ditone tše 15
Palogare ya: ditone tše 15
Botse: ditone tše 15

Puno

Nako ya puno e theilwe godimo ga bogolo le mohuta wa leek yeo e nyakegago ka mmarakeng. Leeks tše kgolo di bunwa ge dikutu tše šweu di ba 150 mm ka botelele le diameter ya magareng a 20 mm le 30 mm. Puno ya leeks tše nnyane tše boleta, ka tlwaelo e dirwa ge diameters e le 10 mm go ya go 15 mm.
Puno ya ditiro tša bolemi bja leek tše kgolo e dirwa ke motšheneng. Metšhene ya sebjalebjale e tlhanyaolola mmu gomme e be e sega medu ya leek ka fase ga kutu ye šweu e be e kuka leeks mo mmung e be e iša le matlakala godimo. Se se ka dirwa le ka seatla ge go na le batho ba lekanego go dira mošomo, se ka dirwa ka go tlhanyaolola mmu tikologong ya medu ka foroko goba kgarafo e be dibjalo di gogwa ka diatla.
Ka morago ga go kuka leeks, medu e a segwa gore e be 10 mm gomme leeks di a hlwatšwa le go phuthelwa ka makaseng go bolokwa ka tikologong ye e fodilego pele di lokišetš le go phuthelwa go ya mmarakeng.

Poloko

Leeks di ka bolokwa dikgwedi tše tharo ka themperetšha ya 1°C go 2°C le monola wa 85%+.
Leeks tšeo di swanetšwe go bolokwa di swanetše go bewa ka gare ga poloko ya go tonya ka pela ka moo go kgonegago morago ga puno.

Disenyi

Aphids, Cut worms, Snails, Thrips

Malwetši

Phytophthora, Rust, White rot.
Go kaone go hwetša balemiši bja tikologo goba motsebi wa tšhireletšo ya dibjalo go fa keletšo ka ga ditiro tše di tsebegago tša thibelo le kalafo ya dibjalo.

Translated by Lebogang Sewela