Lekwamati la pepere ga le hwetšale bonolo ke lešokeng gomme le ngwadišitšwe bjalo ka Puku ya Datha ye Khubedu ya diphedi tšeo di lego kotsing. E buna go fetelela ke dingaka tša setšo ka lebaka la lekwamati la yona leo le nyakegago kudu go šomišwa ka dihlareng tša setšo, maitekelo a magolo a dirilwe go hlohleletša phatlalatšo ya mohlare wo.
O gola bonolo go tšwa dikataneng goba mahlogedi a go tšwa medung mabung a gamolotšwego botse a humilego ka manyoro gomme a dira lenaga la go ratega sebjalong. Mohlare wa ka nageng tša go fiša, lekwamati la mohlakamotala la go ba tshesane le gola dimetara tše 5 - 10 ka botelele gomme o lokiša naetrotšene mabung mola matlakala a ona a dira khupetšo ye e humilego ka naetrotšene.
Matšoba a ma nnyane a botala-boserolane a bopa borekhu bja go ba nkgokolo bja dimilimetara tše 30 a butšwago go ya mmaleng o mo perese. Matlakala, dienywa le bogare bja lekwamati di na le tatso ya pepere gomme puno e šitišwa kudu ke go ratwa kudu ke bontšhi bja dintšhi tša dienywa le dikgabo. Mehlare e tšea sebaka go butšwa gomme e ka bunwa ka nakong ya mengwaga ye 10, eupša e tšea mengwaga ye 20 go fihlela putšong ka botlalo.
Lekwamati le matlakala a lekwamati la pepere le na le ditlhakantšhetšo tša go fapafapana le thibela-twatsi, thibela-fankase (kudu kgahlanong le diphetetša sekokomoši sa Candida), thibela-dišo le dithoto tša mohlaphologo. Dibjalo di a omišwa, tša pšatliwa go ba lerole gomme tša šomišwa bjalo ka ditlatšeletšo le dikgabišo go alafa dišwana tša setho sa bosadi, ditšhwaetšo tša sehuba, malwetši a go geola, mmele e bohloko, mathata a mpa (letšhologo, bohloko) le letadi.
Šomišwa bjalo ka fola, se kgontšha ditselana tša nko go hema le ge lekwamati le hlafunwa goba ka muši wa go hemiwa, e fodiša dingongorego tša dikgara e imolla go bipela, diphišo le bohloko bja mmele. Tsenyo ya matlakala e thuša kgahlanong le malwetši le bolwetši bja dihlakano le malwetši a letlalo, mola medu ye e apeilwego e tsentšhwe sophong go alafa letšhollo. Bobedi bja dithito le medu ya lekwamati e lego ya go fodiša letadi ge e topilwe fase gomme tša hlakanywa le meetse, go alafa dišo tša molomo. Go la Kenya, matlakala a tsentšhwa go fa tatso dikhering.
Dinyakišišo tše di dirilwego go bapiša ditswaki tše di šomago ka lekwamating go ya matlakala a laeditše gore phapano ke tlhagelo ya go se bonale botse. Go tloša lekwamati go tsentšha matlakala ka tšhomišong ya setšo e tla dumelela puno ye e tšwelelago pele ya sebjalo se se kotsing.