Ukubekwa kwamanzi abekwa ngendlela yokubeka amanzi wezulu asuka ehlabathini nanyana emasenkeni wezindlu ngamaphayiphi nanyana amagadasi asiwe ematankeni abeka amanzi. Ukubuthelelwa kwamanzi wezulu asuka emasenkeni kuhlwengeke ukudlula nawukha amanzi wezulu agijimako asuka ehlabathini.
Nanyana kunjalo kuphakanyiswa kobana, uhlwengise bewusefe amanzi wezulu ngaphambi kokobana uwasebenzise. Ayihlwengise kwaphela amanzi asetjenziselwa zelimo kwaphela nanyana asetjenziswa ngendlini, kodwana isusa namakhemkhali, ihlabathi kanye nezinye izinto.
Eziwasilaphazako begodu ikhandela ipompi ekonakaleni ngebanga lezinto ezisemanzini.
Uyibeka Njani Isistimu Yamanzi Wezulu Avunwako
Ukubeka isistimu yokubeka amanzi wezulu kutlhoga izinto ezintathu eziqakathekileko, amsenke, amaphayiphu, nanyana amagadasi ukudlulisa amanzi wezulu kanye namatanka wokubeka amanzi.
Hlwengisa amasenke kanye namagadasi. Nange amagadasi nanyana amaphayiphu atlhoga ukufakwa, khetha ikhwalithi ehle engabanjwa yi-UV-nekumagadasi we-PVC. Qiniseka kobana amaphayiphi ahlangane netanka yamanzi. Qiniseka bona amagadasi ehlela ematankeni. Lokhu kuzokuphungula kobana kungakheli amanzi angakahlwengeki ematankeni. Lapha abonompopoloza babelethela khona.
Igatja elinye nelinye elilengela emasenkeni kufanele lisuswe ukukhandela bona amakari angangeni esistimini. Sebenza i-mesh screen nanyana uwahlwengese ngeskhathisoke. Amakhemikhali asuka espreyini angangena emasenkeni agcine sele angene ngedamini. Ungaspreyi iintjalo mzwana kunomoya. Lokha nawupenda amasenke, sebenzisa ipende ephephileko ngebanga lokobana iinsalela zayo zingangna entankeni zisilaphaze amanzi. Hlwengisa amasenke nakhe kwabanemililo endaweni yangekhenu. Ngemva kokobana kune izulu, umlotha, kanye nensalela zomlilo zingangena etankeni, kuvale iimpopi. Khumbula, amasenke nakahlwengekileko, amanzi nawo azokuhlwengeka. Isistimu yokusefa amanzi ehlwengisa amanzi ngaphambi kokobana asetjenziswe ingatlhogeka begodu ingatholwa ngendlela ezilandelako: I-Sandbed filter, I-Pop-up filter, I-Stabilization tank.
Amatanka Wokubeka Amanzi
Kungasetjenziswa amatanka amanye namanye wokubeka amanzi, kodwana qiniseka kobana ahlwengekile begodu anepompi. Faka itanka ekulu ngokwaneleko begodu nange kurhonakala, faka i-base eleveli eqinileko ngaphasi, ephezulu ngokwaneleko ukobana kurhonakale kobana amathunga azaliseke Lula ngepompi ebuya ematankeni. Nange wakha ngesamende phasi qiniseka kobana idege nge-85 mm.
Ungasebenzisi itanka ekhe yasetjenziselwa ukubeka izinto eziyitjhefu ngaphambili ezifana nepetroli amafutha nanyana amakhemikhali. Nange kurhonakala ungasebenzisi amatanka enziwe nge-asbestos. Amatanka wamanzi enziwa nge-polyethylene yeplayistiki nanyana nge-PVC, wedaka nanyana wesenke.
Kungaba mbono omuhle ukufaka itanka ebeka amanzi aseleko lokha nayizele yafika elevelini ethize. Nange usebenzisa amatanka wamanzi uwasebenzisa ukusela, qiniseka kobana uyawabilisa mantanzi. Uwasefe uwathele ne-bleach. Ikhomishini yerhubhululo lamanzi iphakamisa kobana kufakwe ibhigiri eyi-¼ ye-bleach emanzini ayi-5 000 yamalitha wamanzi.
Faka ilogo ematankeni wempopi ukukhandela kobana kungangeni izinto ematankeni wamanzi. Ungavumeli muntu kobana agibele itanka, ngebanga lokobana ngengozi angawa aminze kiyo.
Translated by Busisiwe Prudance Skhosana