Kwamanye amasistimu lapha kufuywa khona iimfesi ngokusebenzisa amanzi afretjhi, iimfesi zibekwa zikhuliswe emanethini angaphakathi kwamakhetjhi zifekwe amadamini nanyana emilanjeni lokha amanye amasistimu we-aquaculture asebenzisa amatanka ukufuya iimfesi ezifuyelwe ukuthengiswa mngoncopho wokwenza inzuzo.
Ukuhlala uzihlola kanye nokuhlala utlhogomela imitjhini yakho kunciphisa iindleko zokuwusebenzisa bezenza ngcono umkhiqizo.
Ukuhlola Amanethi Angemakhejini
Amanethi ahlwengekile enza bona amanzi ageleze ngcono begodu angene i-oxygen. Gcina amanethi wakho ahlwengekile angana-algae ngokobana uwaphakaphise ehlangothini ukwenzela bona onyiswe mumoya. I-algae eyomileko ingasuswa ngokobana ibratjhiwe. Hlola amakhetjhi wakho anamanethi qobe ngeveke ngokobana uwaphakamise ehlangothini uqale imbobo kanye nokobana adabukile na,okungenza bona iimfesi zibaleke. Lokhu kungenziwa qobe ngemveke nahlangana kwenyanga lokha nawuzihlola qobe yinyanga nangeskhathi sokuzivuna.
Ukuhlola umakhiwo wamakheji, ukuhlola amanedi kufanele bona kuhlolwe ngemva kokobana zifuduswe masinya ngebanga lokobana ukwenza isibonelo, kungana-oxygen eyaneleko kanye nobujamo bezulu obuhlukahlukeneko.
Ukuvikelwa Kwamanethi Asemakhejini
Amakheji kutlhogeka kobana avikelwe enlwaneni ezizunywako ezifana nama-cormorants kanye nama-otters. Faka amanedi avikela iinlwane ezizumako ngaphandle kwamakheji afakwe atjhingela nge-1 m ngaphasi kwamanethi asemakhejini.
Ukususa Iimfesi Ezifileko
Iimfesi ziyafa ngebanga lamanzi ankhwalithi angasiyihle, amalwelwe kanye nangebanga lenlwane ezizilimazako. Iimfesi ezifileko ziyahlala ngaphasi kwenedi amalanga ambalwa ngaphambi kokobana zivele phezulu kwamanzi. Iimfesi ezifileko ezihlezi ngaphasi kwamanzi kufanele bona zisuswe lokha nawuhlola iimfesi.
Lapha kukhiqizwa khona iimfesi kutlhogeka kobana zihlolwe qobe malanga kobana akunamfesi ezifileko, ekufanele zisuswe zilahlwe ebhodulukweni ngendlela ekungiyo ukukhandela bona amalwelwe angarhatjheki. Ungazembela emgodini phasi, faka ibhigiri elizele i-lime yezokulima qobe ifesi ehlangana ngokomzimba.
Ezinye iindlela zokuhlola iimfesi ezifileko kubalwa ukutjhisa umzimbazo nanyana ngokusebenza i-asidi. Zoke iimfesi ezifileko, ezife ngobunengi kufanele zirikhodwe. Tjheja kobana kubangelwa yini.
Ukutjhega Iplatfomu
Ukuzinza kwamakheji kufanele kuhlolwe kanye nokobana umakhiwo ohlala iimfesi uqine kangangani nokobana uphephe kangangani utjhege nokobana iinthuthi zithaya kangangani emakhejini kanye nemadongeni wemadamu.
Tlhogomela ukuhlwengeka kwamakheji. Tlhogomela kobana iplatfomu yamakheji ihlwengekile na. Amaplatfomu kutlhogeka kobana ahlwengiswe qobe lilanga ukususa ukudla kwakade, namakaka wenyoni kanye nenkhwihli zemfesi. Angatjhelela lokha nakuna izulu begodu imithetho yokuphepha kwamanzi yensebenzi kutlhogeka kobana ilandelwe ngaso soke isikhathi.
Tjhega amatjhwayo wokurhora emakholeni wekheji kanye nemaplatfomini wamanedi wekheji. Beka amatayera amadala hlangana nomakhiwo wamakheji kanye nthuthi ezithayako ukukhandela ukonakala kwemakhiwo emibili le.
Ukuhlwengiswa Kwamadamu Kanye Namatanka
Emasistimini avulekileko lapha amafesi angabekwa khona emakhejini, lokha nakahlolwako kutlhogeka bona ahlolwe iimpompi, bekuhlwengiswe namaphayiphi, akuhlwengise bekususwe iimfesi ezifileko kuhlolwe neleveli yamanzi.
Utjani kufanele bona busikwe eduze kwamadamu begodu amadamu ahlwengiswe ngaso soke iskhathi. Kanye ngonyaka amadamu kufanele bona akhitjhwe amanzi bese onyiswe elangeni. Okuya ngokobana sikhathi siphi sonyaka ngokobana amatanka abekwe ngaphakathi nanyana ngaphandle na, kutlhogeka bona ahlwengiswe qobe ngeveke nanyana ngemva kwemveke ezimbili. Ehlobo, lokha i-algae ikhula khulu, uyeleliswa kobana uyihlwengise qobe ngeveke. Hlwengisa amafesidiri wempompo, ngaphakathi nangaphandle qobe malanga.
Kuqakathekile kobana uhlale uhlola amanzi ukukhandela ukugandeleleka komkhumbulo emfesini okubangwa malwelwe.
Translated by Busisiwe Skhosana