Ukutjala I-Rosemary

Ukuyitjala

©Louise Brodie

Itjalwa ngembewu kodwana i-rosemary ingatjalwa nangokuyisika kwenye. Thatha  i-20 cm yayo oyikhathe kwefretjhi esakhulako ususe amakari angaphasi esiqwini osikhathileko usibeke emanzini. Nasele uthole inani olifunako tjala oyifunako.

Le kuvamise kobana kube yihlanganisela yehlabathi ebhegeni eyi-500 ml yokutjala. Faka iimpete ze-rosemary ehlanganiseleni yama-hormone utjale epotweni ozabe utjalela kilo.

 

Iindlela Zokutjala

Ukutjala okwenziwa bakhiqizi abakhiqiza ngobunengi ngomncopho wokwenza inzuzo kwenziwa ngokutjala amaplantjisi akhiqizwe ku-greenhouse.Imbewu itjalwa ematreyini wamaplantjisi atjhingela nga-8 ukuya ku-10 milimitha. Ngemva kokobana imbewu sele imilile amaplantjisi aqinile atjalwa esimini. Imbewu ye-rosemary ayimili kuhle, njeke tjala enengi ngokuphindwe kane kunaleyo oyitlhogako. Imbewu yayo ayibizi ngokwaneleko. Nasele uthole imihlobo eyehlukeneko kuyinto ehle ukuthoma ukwenza iintjalo ngokukhatha iintjalo ozozitjala lokha nawuloba ezinye iintjalo.

 

Iinkhundla

Iintjalo ze-rosemary kufanele zenzelwe iinkhundla eziyi-30 cm emareyini ahlukaniswe nge-50 cm. Lesi sitandi esingatjala iintjalo eziyi-60 000 i-hectare ngayinye. Imitjhini kanye nendlela zamatregere zitjhiywa ukobana kurhonwe ukutlhogomela iintjalo kanye nokuvuna.

Iskhathi Sokutjala

Tjala i-rosemary ematreyeni wembewu endaweni evilekileko nanyana ku-greenhouse ngoMgwengweni ekuthomeni kwetwasahlobo amaplantjisi zabe sele aqine ngokwaneleko ukobana ungawatjala emasimini.

Iskhathi Sokutjala

Tjala amaplantjisi we-rosemary ekuthomeni kwetwasahlobo. eSewula Africa lokho kungenziwa lada ngoMgwengweni ukuya kuSeputemba.

Iskhathi Sokuyikhulisa

Iimveke ezibunane ukuya kwezilisumi ku-greenhouse zizokukhiqiza amaplantjisi we-rosemary aungele ukungatjalwa phasi. Nawufuna ukukhiqiza umkhiqizo we-rosemary ofretjhi, abanye abakhiqizi bathoma ukukhiqiza iimpete ezifretjhi ezisanda ukukhula msinya ngemva kwemveke eziyi-12 bazitjalile. Kufanele kutjhejwe kobana kungavunwa khulu emnyakeni wokuthoma ngebanga lokobana lokho kuzokona ukuthuthuka kwestjalo. Ukuvuna okuzeleko kuvamise ukuthomeni kwenyanga eziyi-12 ukuya kweziyi -15 ngemva kokobana uyitjalile. Iintjalo ze-rosemary zingavunwa kuze kufike iminyaka eyi-15 nange zitlhogonyelwa kuhle.

Ukuyivundisa

Ngaphambi kokobana uyitjale, thatha ihlabathi ejamele lapha uzabe utjale khona uyithumele e-laboratory iyokuhlolwa. Lokhu kuzokuveza umhlobo wehlabathi kanye nezakhimzimba ekufanele zifakwe entjalweni ozimisele ukuzitjala.

Kufanele wenze okulandelako lokha nawungakayokuhlola ihlabathakho .Kokuthoma faka i-600 kg ye-3:1:5 uyirhatjhe uyihlanganise nehlabathi yangaphezulu eyi-20 cm ngaphambi kobana utale amaplantjisi we-rosemary. Lokhu kuzokupha amaplantjisi amatjha isithomo esihle. Eenyangeni zokuthoma eziyi-12, kuqakathekile kobana iintjalo ze-rosemary zihlale zikhula njeke faka enye i-400 kg ye-3:1:5 kabili uyifake emareyini wentjalo, kanye ngoNobayeni enye ngoSihlabantangana. Uyeleliswa kobana uvundise ihlabathi ngemva kokobana uvune. Ungavundisi khulu ngebanga lokobana lokhu kunciphisa iphunga layo elimnandi.

Ukusithelelela

Nanyana istjalo se-rosemary kuthiwa sitjalo esiqinileko, akusikuhle kobana istjalwesi sigandele ngokomkhumbulo ngokobana usithelelele khulu, ekungabanga ukobana sibe nobulwelwe bokubola kwemirabhu ekwenza bona singakhulu kuhle kanye ngokobana singakhiqizo kuhle.

Njeke, kuhle ukufaka imitjhini emeda ubuswe ukobana ihlale iragela phambili ngokuhlola ihlabathi. Ngokuya ngokobana mhlobo muphi wehlabathi kanye nobujamo bezulu, umthamo wokuthelelela nanyana ukufaka amanzi uyahluka ukuya ngesimu. Amanzi alingeneko amahle ngahlangana kwe-25 kanye ne-35 mm ngeveke lokha nakutjhisako uphungule amanzi lokha nakupholileko nanyana nakuna izulu. Linga kobana ungatheleleli iveke ngaphambi kokobana uvune. Kodwana thelelela khonokho ngemva kokuvuna ukubuyisela ihlabathi ezingeni elinobuswe okungibo.

Translated by Busisiwe Skhosana